Kuvwethzelela ku Vutongwe Vwetu Vwa mu Lihya​—Kupangetha Mwamuvwa Vihula

VIKWAPWILA KWA THEHO: “Viyongola vya mu mbunge ya munu vinafu ngwe mema a mu lithima lya kulova,” cho vihula vinafu ngwe chitekwitho. (Vit 20:5) Vihula vikatukwatha tuthzivuke vivathinganyeka vanu vatuthimutwiya navo. Vikumbululo vyavo vikatukwatha tumone indi vanathzivithitha mwamuvwa. Yesu wapangethele mwamuvwa vihula. Twatha kumutembwinina vati?

MWAKULINGILA:

• Ihuleni vihula vije vimikwatha muthzivuke viyongola vya munu. Yesu wehwile vandongethi vendi vihula vya kulithethzathethza mangana athzivuke vithinganyeka vyavo. (Mat 16:13-16; be 238 ¶3-5) Vihula muka vimwatha kwihula?

• Ihuleni vihula vije vikwatha munu athzivithithe. Ha kushaka kukwatha Petulu atengulule vithinganyeka vyendi vya kuhenga, Yesu wehwile Petulu vihula vije vyamukwathele awane vikumbululo na kuthzivithitha mwamuvwa. (Mat 17:24-26) Vihula muka vimwatha kwihula munu vije vimukwatha athzivithithe mwamuvwa?

• Shangathzaleni munu imuli na kuthimutwiya nendi. Omwo muka-kuthoneka ‘wakumbulwile mwamuvwa,’ Yesu wamushangalele. (Mak 12:34) Mwatha kushangala vati munu uje akumbulula mwamuvwa?

KENGENI MUTAMBA WA KULIVANGA WA VINDIYO YA LINGENI CHIPANGI CHALINGILE YESU—KULONGETHA, KUTUNDOHO KUMBULULENI VIHULA VINATAKO:

• Mwafwa vika eyi ngila ya kwambulwilamo inapu yaivi nameme viñanda vitwendeka vinapu vyavivwa?

• Mwafwa vika tunapande kweta vanu ku vimbunge kutuvakana kwendeka lika viñanda vyavingi?

KENGENI MUTAMBA WA MU CHIVALI WA VINDIYO, KUTUNDOHO KUMBULULENI EVI VIHULA VINATAKO:

• Uje ndolome napangethele vati vihula mwamuvwa?

• Vingila muka vikwavo vyavivwa vitwatha kutembwininamo uje ndolome?