Vithemi Kwatheni Vana Veni Vatwaleleleho Kulinga Mwamuvwa

Vithemi vaje vathzema Njambi vashaka ngwavo vana vavo vakapangele Yehova mu kulongwa. Vithemi vatha kukwatha vana vavo vakapangele Yehova mu kulongwa nga vavalongetha Mbimbiliya kushwa ku vwanike. (Kwi 6:7; Vit 22:6) Kulinga ngocho kukatondo kulifwita. Oloni vivethzikitho vikapu vyavingi manene.—3Yo 4.

Vithemi vatha kulilongetha vyavingi kuli Yosefa na Maliya. ‘Ha mwaka na mwaka, vakele na kuya ku Yelusalema ku chiwano cha Paseka’ nameme kwapwile kwakukalu. (Luk 2:41). Maliya na Yosefa vamwene ngwavo kushwenya kuyehi na Yehova kwapwa kwa theho manene. Na vithemi va ano matangwa vatha kukwatha vana vavo vende mu ngila yaivwa nga vavalongetha vya Njambi thimbu yoshe, mu vyuma vivendeka na mu vilinga vyavo.—Mya 127:3-5.

KENGENI VINDIYO YA VALIFWITILE KUVALONGETHA THIMBU YOSHE, CHO KUMBULENI VIHULA VINATAKO:

• Jon na Sharon Schiller vakele vati vya Vumwene kulutwe oku valela vana?

• Mwafwa vika vithemi vanapande kulongetha na kunangula mwana na mwana kwetheketha na vuthzeye vwendi?

• Vithemi vatha kukwatha vati vana vavo vakanyamethe likulahelo lyavo na kuhyana vyetheko?

• Vikwata muka vya mu munga ya Yehova vimunapangetha ha kukwatha vana veni kukola ku sipilitu?