Kuvwethzelela ku Vutongwe Vwetu Vwa mu Lihya—Kuthimutwiya na Vanu Kuje Kulingitha Tuvambulwile

Yesu wathele kwambulwila uje munakathzi mu kutulukwa, mwafwa washangumukile tahi kuthimutwiya nendi. Twatha kuvwethzelela vati ku vutongwe vwetu vwa kushangumuka kuthimutwiya na vanu?

• Thimutwiyeni mwamuvwa na vanu. Nameme wajukile, Yesu washangumukile kuthimutwiya na munu ha kumulomba mema. Mwatha kushangumuka kumwindwitha na kwendeka mukunafwilamo kwilu nambe vyuma vinalingiwa ololo. Anukeni ngweni chuma cha theho chinapu kushangumuka kuthimutwiya na munu. Ngechi, mwatha kuthimutwiya nendi ha vyuma vyoshe vyoshe vije vimweta ku mbunge. Nga kamikumbulula, kethi muthzeye. Ethekeni kuthimutwiya na mukwavo lalo. Lombeni kuli Yehova mangana mupwe va kuthimpa.—Neh 2:4; Vil 4:29.

• Pweni vaka-kukengelela mangana mwathe kwambulula, oloni kethi mulinge vyuma mu vwathi vwathi. Thimutwiyeni mwamuvwa na munu imwendeka nendi. Nga mulinga vyuma mu vwathi vwathi, uje munu atha kulikela kutolilila. Kethi muliveye nga vyuma vimo vimyonowetha kwambulwila uje munu. Nga mukathzivi lyova kushangumuka kuthimutwiya na vanu muthzimbu wauvwa, cho ethekeni kuthimutwiya navo kwa kujeneka kuvambulwila. [Mwetha na kuthimutwiya ha vindiyo 1.]

• Ethekeni kwendeka ha vyuma vimwakulahela vije vimulingitha ashake kuthzivuka vyavingi. Yesu wendekele vyuma vije vyalingithile uje munakathzi ehule vihula. Ha kukumbulula vije vihula, Yesu wambulwile muthzimbu wauvwa. [Mwetha na kuthimutwiya ha vindiyo 2, cho mwetha na kuthimutwiya ha vindiyo  3.]