BISIMPI BYA SEHO BYA MU LIJWI LYA NJAMBI | KUSHANGUMUKA 29-30

Yakomba Ambata

Munalume na munakazi wendi bali na kusimutwiya, banalikwata ku maboko, co banatumbama hamo. Mbimbiliya ibanafukula ili muyehi nabo.

Yakomba kazibukile byeseko byaliwana nabyo mwafwa ya kwambata. Lakele na Leya bakele na kulizibila lifuwa. (Kus 29:32; 30:1, 8) Nameme Yakomba waliwanene na byeseko, oloni wamwene ngwendi Yehova wakele na kumukwasa. (Kus 30:29, 30, 43) Mu kwita kwa simbu, batekulwila bendi bakupwile banu Baisalele.—Lut 4:11.

Baje bakobela mu bulo ano matangwa nabo baliwana na bukalu. (1 Ko 7:28) Nameme ngoco, nga bapangesa binangulo bya mu Mbimbiliya na kukulahela Yehova, co bapwa ba kubwahelela mu bulo bwabo.—Vis 3:5, 6; Efe 5:33.