“Tundiseni Binjambi Beka”

Nameme kukwakele lishiko lyababindikile kulemesa binjambi beka, Yakomba wazibukile ngwendi tunapande kulemesa lika Yehova. (Kut 20:3-5) Ngeci, Yehova mwalekele Yakomba ngwendi ikeye na banu bendi beluke ku Mbetele, Yakomba walekele banu boshe ngwendi batundise tumponya babo boshe. Yakomba wombilile tumponya na masikiyo. Aje masikiyo hamo bawapwisile mikalo. (Kus 35:1-4) Twakulahela ngwetu Yehova wazibile kubwaha ha byuma byalingile Yakomba.

Yetuco bika bitunapande kulinga mangana tulemese lika Yehova? Tunapande kubyana byuma bije binakundama ku kulemesa tumponya nambe ku bundemone. Tunapande lalo kwangula mwamubwa byuma bitulizima nabyo buli na kumbila kuti byuma bije binakundama ku manseno. Cakumwenako, lihuleni ngweni: ‘Njikatanda mabulu nambe kuyongola mafilimu aje amwesa bya bundemone, bakulu na manseno ndi? Kuma byuma binjikalizimi nabyo buli bikamwesa kabwibwi, kulyelema nambe kutaha kupwa ngwe byuma byabibwa ndi?’ Tunapande kubyana byuma byoshe bije byazinda Yehova.—Mya 97:10.

KENGENI VIDIO YA “BYANENENI LIYABOLO,” KUTUNDAHO KUMBULULENI BIHULA BINATAKO:

• 

  Bukalu muka bwaliwanene nabwo Palesa uje wakele na kulilongesa Mbimbiliya?

• 

  Mwafwa bika munapande kulomba bukwasi ku bakulunu nga munu imukalilongesa nendi Mbimbiliya ali mu bukalu mwafwa ya bandemone?

• 

  Byuma muka bibanapande kumbila baje bashaka ngwabo Yehova abanyungilile?

• Bika byalingile Palesa?

• Ku mutamba kumwakala, bika bimunapande kulinga mangana keti mulikwatasane na bandemone?