YOYESI YA BAKA-KILISTU
Biwano bya ha Mwaka Bikatushongangeya Tumwese Cizemo
Mwafwa bika tukalikuwu biwano bitukakala nabyo ha mwaka? Ngwe mu simbu ya Baisalele kusañulu, biwano bya ha mwaka bikatulingisa tulemese Yehova hamo na bandolome na bandokazi. Tukalikuwu kutolilila ku biñanda bije bikatulingisa tushwenye kuli Njambi. Co lalo tukalikuwu kukala hamo na bandolome na bandokazi betu. Ngeci, tukashaka kuwaniwa ku ciwano ha matangwa oshe.
Nga tuli ku ciwano, tunapande kumwesa bakwetu cizemo keti kwaka mana ku byetu lika. (Nga 6:10; Hev 10:24, 25) Twasa kukwasa bakwetu nabo bawaniwe ku ciwano. Co lalo nga tuli ku ciwano, kutwapandele kwaka byuma mu mwela mubanapande kutumbama bakwetu. Nga tukwasa bakwetu, co tumwesa ngwetu twabaka mbunge. (Fil 2:3, 4) Biwano byakama bikatulingisa tulizibuke na bandolome na bandokazi babangi. Simbu kanda ciwano cishangumuke, ha simbu ya kuhwima nambe ha simbu ya kulembuka, tulinga mwamubwa nga tuwanako simbu ya kulizibuka na bandolome na bandokazi. (2 Ko 6:13) Busamba butulikuta na bandolome na bandokazi bwasa kukalako myaka yoshe. Nga tumwesa bakwetu cizemo, banu nabo bamona bitulinga, co basa kulikwatasana netu mu kulemesa Yehova.—Yow 13:35.
KENGENI VIDIO YA BIWANO BYA MAFUTI BYA ‘CIZEMO KUCESI KUHWA.’ KUTUNDAHO, KUMBULULENI BIHULA BINATAKO:
Bandolome na bandokazi banamwesele bati cizemo bandolome babo ba bangenzi ha biwano bya mafuti bya 2019?
Mwafwa bika bangamba ba Yehova balizema na kulikwatasana?
Bandolome ba mu Cibunga ca Kutwamenena banamwesele bati mutwasa kumwesela cizemo?
Yeni mwasa kumwesa bati cizemo ha biwano byakama?
Kukala na cizemo kunakwasa bati bandolome na bandokazi mu Germany na mu South Korea?
Bika bitunapande kulinga?