Bika Bibanapande Kulinga Bandokazi Mangana Bapange Bipangi Byabingi?

Bandokazi bali na kupanga byabingi mu munga ya Njambi. (Mya 68:11) Bakatwamenena bilongesa bya Mbimbiliya byabingi. Co bwingi bwa bapainiya ba simbu yoshe bapwa bandokazi. Bandokazi babangi bali na kupangela ha mbetele, bamo bamishinali, bamo bali mu cipangi ca kutunga, co beka bali mu cipangi ca kunungulula. Bandokazi bakukola bakatakamesa binaanga byabo na bikungulukilo. (Vis 14:1) Kuli bilengo bibasa kulyakela bandokazi mu cikungulukilo nameme kubasa kupwa baka-kupangela nambe bakulunu. Nga mwapwa mu bandokazi, bika bimunapande kulinga mangana mupange byabingi?

• Lifwiteni kukala na bifwa byabibwa bya bunjambi.—1 Ti 3:11; 1 Pe 3:3-6

• Kwaseni bandokazi bamo mu cikungulukilo baje kubesi na ceke mu byuma bimo.—Tit 2:3-5

• Lyakeleni cilengo ca kupanga simbu yaingi mu lihya na kubwezelela ku butongwe bweni

• Lilongeseni ndaka yeka

• Yeni na kupangela kuje kuli bujene

• Shulisilileni fomu ya kulomba kupangela ha Mbetele nambe kukakwasa mu kutunga mitungo ya Bumwene

• Shulisilileni fomu ya kukobela Sikola ya Baka-kwambulula bya Bumwene

KENGENI VIDIO YA ‘BANDOKAZI BALI NA KUPANGA NA NZILI MULI MWENE.’ KUTUNDAHO, KUMBULULENI BIHULA BINATAKO:

• Majwi anendeka ndokazi na ndokazi omu mu vidio anamitakamesa bati?