Keti Mutabese Mashungu Amabi Kumyendesa

Kukatukaluwila kwendesa mashungu etu mwafwa kutwapwile ba kulumbunuka. Oloni nga tukabangeya mashungu etu, tutsiya busamba bwetu na Yehova. Cakumwenako, bamo bazema manene kulya, kuzala buzalo bwabubwa na kukala na njibo yaibwa kutubakana mubazemena Njambi. Bamo bakonwa kukabangeya lishiko lya Njambi lije libindika kulilala na munu uje kubalyambatele nendi. (Lom 1:26, 27) Bekaco bakalingi byuma byabibi mu kushaka kuzibisa bwakwabo kubwaha mangana babazeme.—Kut 23:2.

Twasa kunyunga bati mashungu etu mwamubwa? Tunapande kwaka mbunge ku kulinga byuma bije bizibisa Yehova kubwaha. (Mat 4:4) Co lalo tunapande kulomba Yehova atukwase. Mwafwa bika? Mwafwa azibuka byuma byasa kutulingisa tupwe ba kubwahelela na kutwana byuma byabibwa bitukashungwiya.—Mya 145:16.

KENGENI VIDIO YA KUSIPA KUMIKOBELESA MU BUKALU BWAKAMA. KUTUNDAHO, KUMBULULENI BIHULA BINATAKO:

• 

  Bika bikalingisa banu bamo basipe?

• 

  Bukalu muka bukatundu mu kusipa?

• 

  Mwafwa bika kusipa na kufwenya kwapwa kwakubi?—2 Ko 7:1

• 

  Bika bimikwasa keti mushangumuke kusipa nambe kulilikela kusipa nga mwashangumuka laja?