Mukamono Yehova Mwakakumbulwila Malombelo Eni Ndi?

Mu Mbimbiliya muli myanja ya banu balombelele kuli Yehova, co wabakumbulwile. Likulahelo lya bangamba ba Yehova ba kusañulu lya kanyamene mubamwene Yehova mwakumbulwilile malombelo abo na kubakwasa. Ngeci, kunapu kwa seho kutumbula byuma mpundu bitutonda, omwo tulombela na kumona mwatukumbulwila Yehova. Co lalo tunapande kwanuka ngwetu, simbu imo asa kutukumbulula mu ngila kutwabandamenene nambe kutukumbulula mu ngila yaibwa manene kutubakana mutunakala na kusinganyekela. (2 Ko 12:7-9; Efe 3:20) Yehova akatukumbulula mu bingila muka?

• Akatwana nzili na likulahelo mangana tukolese omwo tuliwana na bukalu.—Fil 4:13

• Akatwana mana mangana twangule mwamubwa byakulinga.—Yak 1:5

• Akatwana cizango na nzili ya kulinga byuma bimo. —Fil 2:13

• Akatukwasa tuwe mbunge nga tuli mu bishoti. —Fil 4:6, 7

• Akapangesa bakwetu mangana batukwase nambe kutuzembeleka.—1 Yo 3:17, 18

• Akakwasa baje batukakundika mu malombelo etu. —Vil 12:5, 11

KENGENI VIDIO YA YEHOVA “AKAKUMBULULA MALOMBELO.” KUTUNDAHO, KUMBULULENI BIHULA BINATAKO:

• Mwanja wa ndolome Shimizu wasa kutukwasa bati nga kutwasa kulinga byabingi mwafwa ya kubinja?

• Twasa kutembwinina bati mwanja wa ndolome Shimizu?