FEBRUARY 19-25

MYASO 8-10

Mwaso 2 na Lilombelo | Majwi a Kuzimbula (Munu 1)

BISIMPI BYA SEHO BYA MU LIJWI LYA NJAMBI

1. ‘Njikakushangazala Yobe Yehova’

(Minu 10)

Yehova wamubwa manene kuli yetu (Mya 8:3-6; w21.08 3 ¶6)

Twabwahelela manene kushangazala Yehova mu kulekako bakwetu byabipangi byendi byabibwa (Mya 9:1; w20.05 23 ¶10)

Tukamushangazala lalo mutukembi kutundilila kwisa ya mbunge yetu (Mya 9:2; w22.04 7 ¶13)

Bikupulo: Mu bingila mutwasa kushangazalela Yehova. 1. Ndokazi wa kakulukazi ali na kwambulwila muka-kumunyunga. 2. Bandolome na bandokazi bali na kwimba ku biwano. 3. Mwanike wa mukwenje nemika liboko lyendi mangana akumbulule ku biwano bya cikungulukilo. 4. Ndolome wa mukwenje ali na kukwasa kujelesa mu Njibo ya Bumwene. 5. Ndokazi wa mumbanda ali na kwambulwila mukwabo yakakobela nendi sikola.

LIHULENI NGWENI, ‘Mu bingila muka bikwabo munjasa kushangazalela Yehova?’

2. Kutondesesa Bisimpi bya Seho

(Minu 10)

Mya 8:3—Muka-kwimba walumbunwine bika mwendekele kutalesa ku minye ya Njambi? (it-1 832)

Cikumbululo ceni
Bisimpi muka bimunawana mu kutanda Mbimbiliya cino calumingo?

Cikumbululo ceni

3. Kutanda Mbimbiliya

(Minu 4) Mya 10:1-18 (th cilongesa 11)

AKENI MBUNGE KU CIPANGI CA KWAMBULULA

4. Kushangumuka Kusimutwiya na Banu

(Minu 3) KWAMBULWILA HA NJIBO NA NJIBO. Babenya njibo endeka ngwendi kakulahela kwendi Njambi kwali. (lmd cilongesa 5 simpi 4)

5. Kwilukilako

(Minu 4) KWAMBULULA MU KUTULUKWA. Ha bungezi bunahu babenya njibo nakulekele ngwendi kakulahela ngwendi Njambi kwakala, oloni hano ashaka kuzibuka bukaleho bumwesa ngwabwo Ishamatanga kwakala. (th cilongesa 7)

6. Ñanda

(Minu 5) w21.06 6-7 ¶15-18—Mutwe wa Ñanda: Kwasa Iukalilongesa nendi Mbimbiliya Ashangazale Yehova. (th cilongesa 10)

YOYESI YA BAKA-KRISTU

Mwaso 10

7. Kwambulula Mwamubwa mu Kutulukwa

(Minu 10) Kusimutwiya.

Ngila imo itwasa kushangazalela manene Yehova inapu kwambulwila baje batukaliwana nabo ha litangwa na litangwa. (Mya 35:28) Hakulibanga, hamo tunasa kuziba lyoba kwambulula mu kutulukwa. Oloni omwo tulilongesa mwakushangumukila kwambulwila na mwakutwalelelaho kusimutwiya mu ngila yaibwa, co twizilila na kulikuwa.

Cikupulo ca mu vidio ya “Libwaeseleni Kwambulula “Muzimbu wa Kwoloka”—Lingeniko Bimo.” Ndokazi ashangumuka kusimutwiya na munakazi ali kuyehi na mesa yendi mu restranti.

Mwesa VIDIO ya “Libwaeseleni Kwambulula “Muzimbu wa Kwoloka”—Lingeniko Bimo. Kutundaho, ihula mbunga eci cihula:

Byuma muka bimunalilongesa mu vidio bije byasa kumikwasa mwakwambulwila mwamubwa mu kutulukwa?

Cikumbululo ceni

Bisimpi binatako byasa kumikwasa:

Tondeni bingila byakuliseza-seza mangana mwambulule hoshe hamutundila ha njibo yeni. Lombeleni mangana mwase kulinga ngoco, co lombeni Yehova amitwamenene ku banu ba bimbunge byabibwa
Mweseni ngweni munaka mbunge banu bamuwana. Lingeni mumwasela mwoshe mangana muzibuke munu imwambulwila, co oku kumilingisa muzibuke biñanda bya mu mbimbiliya bije byasa kumweta ku mbunge
Zibukeni kwakala na kwambata namba yendi nga citaba
Keti muzeye nga mwonwa kumwambulwila
Munima ya kusimutwiya nendi, twaleleleniho kumumwesa ngweni mwamwaka mbunge. Mwasa kumutumina linki ya vesi ya mu Mbimbiliya nambe cilongesa cili ha jw.org

Esekeni kulinga byuma binatako: Nga munu umo amihula ngwendi, ‘byuma binende bati ku mamaneselelo a calumingo?,’ Co mulekeni byuma bimunalilongesele ku biwano nambe kumuleka bya cipangi cimukalingi ha kupwa muka-kulongesa Mbimbiliya.