JANUARY 27–FEBRUARY 2

BISIMPI BYA SEHO BYA MU LIJWI LYA NJAMBI

1. Munima ya Kulombela, Lingeni Byuma Bilitombola na Malombelo eni

(Minu 10)

Tambuleni binangulo (Sm 141:5; w22.02 12 ¶13-14)

Singanyekeseseni mwanatukwasela Yehova (Sm 143:5; w10 3/15 32 ¶4)

Lifwiteni kumona byuma ngwe mwakabimwena Yehova (Sm 143:10; w15 3/15 32 ¶2)

Ndolome ali na kulinga cilongesa ca munu endilika. Bikupulo: 1. Ali na kulombela oku ali kumwela wa kulishubulwisila. 2. Bali mu lihya, co ali na kutolilila kuli ndolome wa kukola omwo ali na kumunangula.

Mukanda wa Bisamu 140-143, kuwamwesele lika malombelo a Devidi a kulomba bukwasi kuli Yehova, oloni unamwesa lalo ngwawo walingile byuma bije byalitombwele na malombelo endi.

2. Kutondesesa Bisimpi bya Seho

(Minu 10)

Sm 140:3—Mwafwa bika Devidi nesekesa ndaka ya baka-bubi ku ndaka ya linyoka? (it-2 1151)

Cikumbululo ceni
Bisimpi muka bimunawana mu kutanda Mbimbiliya cino calumingo?

Cikumbululo ceni

3. Kutanda Mbimbiliya

(Minu 4) Sm 141:1-10 (th cilongesa 12)

AKENI MBUNGE KU CIPANGI CA KWAMBULULA

4. Kushangumuka Kusimutwiya na Banu

(Minu 4) KWAMBULULA MU KUTULUKWA. Munima ya kukwasa munu, simutwiya nendi ha ñanda imo ya mu Mbimbiliya. (lmd cilongesa 3 simpi 5)

5. Kwilukilako

(Minu 3) KWAMBULWILA KU MBUNGA. Munu akuleka ngwendi nazezama. (lmd cilongesa 7 simpi 3)

6. Lumbununeni Byuma Bimwakulahela

(Minu 5) Cimweso. Ijwfq-SK cilongesa 21—Mutwe wa Ñanda: Mwafwa Bika Bakaleho ba Yehova Bakabyana Kubaka Maninga? (th cilongesa 7)

YOYESI YA BAKA-KRISTU

7. Libwaheseleni Cimweja Simbu Kanda Muliwane na Bukalu bwa Kubinja Nambe Kumitabula

(Minu 15) Kusimutwiya.

Yehova natukulahesa ngwendi “nalibwahesela kutukwasa simbu yoshe ituliwana na bukalu.” (Sm 46:1) Tukalishoshomwena manene nga tubinja nambe nga bashaka kututabula. Nameme ngoco, Yehova natwana byuma byoshe bitutonda mangana tulibwahesele nga kusholoka bukalu bwa cifwa eci. Cakumwenako, munga ya Yehova inatubwahesela kadi ya kubyana kutwaka maninga (DPA), kadi ya maninga ya banike (ic),a na mapapelo akwabo a cipatelab na Komiti ya Kulizibasana na Baka-cipatela (HLC). Ebi byuma byanatwana Yehova bili na kutukwasa kwononoka mashiko endi aje endeka bya maninga.—Bili 15:28, 29.

Ndokazi ali na kushulisilila kadi ya maninga.

Mwesa VIDIO ya Kuma Mwalibwaesela Cimweja Simbu Kanda Muliwane na Bukalu bwa Kubinja Nambe Kumitabula ndi? Kutundaho, ihula mbunga ebi bihula:

Kushulisilila kadi ya kubyana kutwaka maninga (DPA) kunakwasa bati bamo?

Cikumbululo ceni
Biñanda Binakundama Banakazi Bali na Bikute (S-401-SK) binakwasa bati bamo?

Cikumbululo ceni
Bika kwapwila kwa seho kuleka bwasi-bwasi Komiti ya Kulizibasana na Baka-cipatela nga banamikwata mu cipatela, bashaka kumitabula nambe nga bashaka kumisaka mushongo umo wa kufwa ngwe kansa nambe hamo kunasa kusholoka ngwe kubamyaka maninga?

Cikumbululo ceni

8. Cilongesa ca Mbimbiliya ca Cikungulukilo

(Minu 30) lff cilongesa 08

Majwi a Mamaneselelo (Minu 3) | Mwaso 28 na Lilombelo

a Baka-kwambulula ba kumbwitika basa kwambata kadi ya maninga (DPA) na kwambata kadi ya maninga ya banike (ic) kuli ndolome atala bya mabulu.

b Biñanda Binakundama Banakazi Bali na Bikute (S-401-SK), Biñanda bya Babezi Baje Batonda Kubatabula (S-407) na fomu ya Biñanda Binakundama Bisemi Baje Bali na Bana Babinja (S-55), awa mafomu basa kuambata ku bakulunu.