JULY 14-20

BISIMPI BYA SEHO BYA MU LIJWI LYA NJAMBI

1. Binangulo Bimikwasa Kulela Mwamubwa Bana

(Minu 10)

Kwaseni bana beni bazibuke byakulinga nga baliwana na bukalu (Pro 22:3; w20.10 27 ¶7)

Shangumukeni kubalongesa kushwa ku bumbututu (Pro 22:6; w19.12 26 ¶17-19)

Bananguleni mu cizemo (Pro 22:15; w06 4/1 9 ¶4)

Cisemi ali na kupangesa Mbimbiliya mu kulongesa munendi. Ha foni yakama ya munendi hali na kushoka cikupulo cimwesa cilongesa cije cendeka ngwaco banu batunda ku biñima.

2. Kutondesesa Bisimpi bya Seho

(Minu 10)

Pro 22:29—Twasa kupangesa bati cisimo cili oku ku mukanda mu cikungulukilo, co bubwa muka buli mu kulinga ngoco? (w21.08 22 ¶11)

Cikumbululo ceni
Bisimpi muka bimunawana mu kutanda Mbimbiliya cino calumingo?

Cikumbululo ceni

3. Kutanda Mbimbiliya

(Minu 4) Pro 22:1-19 (th cilongesa 10)

AKENI MBUNGE KU CIPANGI CA KWAMBULULA

4. Kushangumuka Kusimutwiya na Banu

(Minu 3) KWAMBULWILA HA NJIBO NA NJIBO. (lmd cilongesa 5 simpi 4)

5. Kushangumuka Kusimutwiya na Banu

(Minu 4) KWAMBULULA MU KUTULUKWA. Mumwese mwakuwanena biñanda bije bikwasa bisemi ha jw.org. (lmd cilongesa 1 simpi 4)

6. Ñanda

(Minu 5) ijwyp cilongesa 100—Bika Binjinapande Kulinga Nga Njapokola Mashiko a Bisemi Bange? (th cilongesa 20)

YOYESI YA BAKA-KRISTU

7. Kaleni na Mbunge ya Kubandamena, Oloni Keti Mwecelele Bilinga Byabibi

(Minu 15) Kusimutwiya.

Bisemi banapande kukala na mbunge ya kubandamena omwo balela bana babo na kuwana simbu yaingi ya kukala nabo. Co lalo kubapandele kulingisa bana babo balizibe ngwe kubesi na simbu ya kusikama nambe kwendeka nabo. (Det 6:6, 7) Bisemi banapande kupangesa bihula mangana bazibuke mwamubwa bili mu bimbunge bya bana babo. (Pro 20:5) Kutundaho, banapande kwilukila-ilukila kulongesa bana babo mangana bazibisise bibali na kubalongesa na kubipangesa.

Bisemi baje bakamwesa bana babo mbunge ya kubandamena kubesi kubatabesa kulinga byuma byabibi. Yehova nana bisemi moko ya kwana bana babo mashiko na kubana kashitiko nga kubononoka.—Pro 6:20; 23:13.

Tandeni Efeso 4:31. Kutundaho, ihula mbunga eci cihula:

Mwafwa bika bisemi kubapandele kunangula bana babo oku banalubala?

Cikumbululo ceni

Tandeni Galatiya 6:7. Kutundaho, ihula mbunga eci cihula:

Mwafwa bika kwapwa kwa seho kulongesa bana bukalu bukatundu mu kulinga bubi?

Cikumbululo ceni

Cikupulo ca mu vidio ya ‘Na mbunge ya kubandamena, Eceleleni Tupenga Twa Bakweni mu Cizemo’: Bana Beni.” Max ali na kutolilila kuli munendi Sue.

Mwesa VIDIO ya ‘Na Mbunge ya Kubandamena, Eceleleni Tupenga Twa Bakweni mu Cizemo’: Bana Beni. Kutundaho, ihula mbunga eci cihula:

Bika bimunalilongesa omu mu vidio?

Cikumbululo ceni

8. Cilongesa ca Mbimbiliya ca Cikungulukilo

(Minu 30) lfb “Mukanda Utunda ku Cibunga ca Kutwamenena” na biñanda bili mu mutamba 1 na cilongesa 1