MUTAMBA 5

Beya Batolililile Njambi ha Libazi lya Nowa?

Banu babangi mu simbu ya Nowa balingile byuma byabibi. Kushangumuka 6:5

Tungelo bababi baje bazalele mibila ya bunu bali na kulikwatasana na banakazi

Adama na Eva bakitile bana, ngeci banu batumine manene hano hasi. Mu kwita kwa simbu, tungelo bamo balikwatasanene na Satana mu kutengulukila Njambi.

Bashulukile hano hasi na kuzala mibila ya bunu mangana bambate banakazi. Baje banakazi bakitile bana ba kutunuka, ba kutenuka, co lalo ba nzili.

Munakazi nakwata mbututu uje ibashaka kupupa ku mwanike wa munalume; Manefilimu, bana ba tangelo babati, banakenyuka

Kaye kashulile banu baje balingile byuma byabibi. Mbimbiliya ngwayo ‘bubi bwa banu hano hasi bunama manene, co biyongola bya bimbunge byabo binapu byabibi simbu yoshe.’

Nowa watolililile Njambi, co washongele bwato. Kushangumuka 6:13, 14, 18, 19, 22

Nowa wapwile munu wamubwa. Yehova walekele Nowa ngwendi akanyongesa banu bababi na libazi lyakama.

Njambi walekele lalo Nowa ashonge bwato bwakama na kukobelesamo naanga yendi na tusitu ba miyati yoshe.

Nowa anangula banu bya kwija kwa libazi, oloni bakebo bamujola

Nowa wanangwile banu bya kwija kwa libazi, oloni kubamutolililile. Bamo bamujolele, co beka lalo bamuzindile.

Nowa na naanga yendi bakobelesa tusitu mu bwato

Omwo Nowa wamanesele kushonga bwato, wakobeleselemo tusitu.