Byuma mu Kaye Bikafwa Bati Kulutwe?

BIINENDEKA MBIMBILIYA

“Njambi . . . akasikumuna misozi yoshe ku mesho abo. Co kukukakala kutsa nambe busiwa nambe kulila nambe kukemanga. Omwo byuma byalaja bineti.”—Kujombolola 21:3, 4.

KUKULAHELA AWA MAJWI KUMIKWASA BATI?

Kumikwasa muzibuke ngweni kulutwe mukapanga bipangi byabibwa. —Isaya 65:21-23.

Kumikwasa muzibuke ngweni kubinja na kuyanda kukahwa.—Isaya 25:8; 33:24.

Kumikwasa muzibuke ngweni mukayoya myaka yoshe na naanga yeni na ba busamba beni.—Myaso 37:11, 29.

TWASA KUKULAHELA BIINENDEKA MBIMBILIYA NDI?

Twasa kuikulahela mwafwa ya byuma ebi bibali:

• Njambi ali na nzili ya kulinga byuma byanakulahesa. Yehova ikeye lika ibanendeka mu Mbimbiliya ngwabo “Muka-nzili yoshe,” mwafwa nzili yendi yapwa ya kukomokesa. (Kujombolola 15:3) Ngeci, asa kulinga byuma byanatukulahesa bya kutengulula kano kaye kupwa kakabwa. Mbimbiliya ngwayo “kuli Njambi byuma byoshe byabyasi.” —Mateo 19:26.

• Njambi ali na lishungu lya kulinga byuma byanatukulahesa. Yehova ali na kushungwiya kukasangula batsi.—Yombi 14:14, 15.

  Mbimbiliya inamwesa lalo ngwayo Yesu, Muna Njambi, wendwile babezi. Bika byalingililile ngoco? Mwafwa washakele kubendula. (Mako 1:40, 41) Yesu wamwesele bifwa byakala nabyo Ishe bya kushaka kukwasa baje banakalekeya.—Yowano 14:9.

  Ngeci, tunapande kukulahela ngwetu Yehova na Yesu bashaka kutukwasa tukayoye bwino kulutwe.—Myaso 72:12-14; 145:16; 2 Petulu 3:9.