Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • bhs capi. 18 pp. 185-196
  • Njinapande Kulikundika Kuli Njambi na Kunjimbwitika Ndi?

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

  • Njinapande Kulikundika Kuli Njambi na Kunjimbwitika Ndi?
  • Bika Biitulongesa Mbimbiliya?
  • Tumitwe twa Biñanda
  • Biñanda bya Kulifwa
  • KALENI NA MANA NA LIKULAHELO
  • LEKENIKO BAKWENI BUSUNGA BWA MU MBIMBILIYA
  • TENGULUKENI NA KWILUKA KULI NJAMBI
  • LIKUNDIKENI YENI BABENYA
  • KETI MUTEWE NGWENI HAMO MWONOWELA HAKATI
  • KULITABELA KU MBUNGA KUJE KUTWALA KU KWOBOKA
  • CIMBWITIKO CENI CIMANENA BIKA?
  • Mwalibwahesela Kumimbwitika Ndi?
    Kaposhi Ka Kukengela Kali Na Vumwene Vwa Yehova (Kaposhi ka Kukengela ka Kulilongesa)—2020
  • Mwafwa Bika Banapande Kumimbwitika?
    Kaposhi Ka Kukengela Kali Na Bumwene Bwa Yehova (Kaposhi ka Kukengela ka Kulilongesa)—2023
  • Eni Vanike Mwalivwahethela Kumimbwitika Ndi?
    Kaposhi Ka Kukengela Kali Na Vumwene Vwa Yehova (Kaposhi ka Kukengela ka Kulilongetha)—2016
  • Bika Bimunapande Kulikundikila Kuli Yehova na Kumimbwitika?
    Likuweni Kuyoya Myaka Yoshe!—Kulilongesa Mbimbiliya Kumikwasa
Tala Bikwabo
Bika Biitulongesa Mbimbiliya?
bhs capi. 18 pp. 185-196

CAPITA 18

Njinapande Kulikundika Kuli Njambi Na Kunjimbwitika Ndi?

1. Bika bimwasa kusinganyeka munina ya kulilongesa eli libulu?

MUNO mu libulu munalilongesamo biñanda byabingi bya mu Mbimbiliya. Munalilongesa ngweni Njambi nakulahesa banu kukayoya myaka yoshe. Munazibuka cifwa cibalimo batsi na likulahelo lya kusanguka. (Muka-kwambulula 9:5; Luka 23:43; Yowano 5:28, 29; Kujombolola 21:3, 4) Hamo munashangumuka kuya ku biwano bya Bakaleho ba Yehova, co munalimwena ngweni bali na kulemesa Njambi mu busunga. (Yowano 13:35) Hamo munashangumuka kulikuta busamba na Yehova na kumona ngweni munapande kumupangela. Hamo munalihula ngweni, ‘Bika binjinapande kulinga mangana njipangele Njambi?’

Filipu na munalume wa Kaisopya

2. Uje Kaisopya washakelele bika kumumbwitika?

2 Omwo mukemo mwalingile munalume umo wa Kaisopya mu matangwa a Yesu. Litangwa limo, munima ya kusanguka kwa Yesu, ndongesi yendi Filipu wambulwile muzimbu kuli ou munalume. Filipu wamwesele uje munalume ngwendi Yesu ikeye Mesiya. Byuma byalilongesele uje munalume wa Kaisopya byamukwatele ku mbunge. Ngeci wendekele ngwendi: “Kenga, mema awa. Bika lalo byasa kunjibindika kunjimbwitika?”—Vilinga 8:26-36.

3. (a) Yesu washikile bika baka-kumukabangeya? (b) Munu banapande kumumbwitika bati?

3 Mbimbiliya inamwesa ngwayo nga mushaka kupangela Yehova, co banapande tahi kumimbwitika. Yesu walekele baka-kumukabangeya ngwendi: ‘Yeni ku miyati ya banu na kubapwisa bandongesi, co bambwitikeni.’ (Mateo 28:19) Yesu natumwesa mwanja mwafwa nendi bamumbwitikile. Bamumbwitikile woshe mu mema, keti kumushamwina lika mema ku mutwe embwe. (Mateo 3:16) Ano matangwa, nga bambwitika muka-Kilistu, banapande kumumbwitika nambe kumuzimika mu mema.

4. Nga bamimbwitika, mumwesa bika ku bakweni?

4 Nga bamimbwitika, mumwesa bakweni ngweni mushaka kupwa kabusamba ka Njambi na kumupangela. (Myaso 40:7, 8) Nga kanda bamimbwitike, co lihuleni ngweni: ‘Bika binjinapande kulinga mangana banjimbwitike?’

KALENI NA MANA NA LIKULAHELO

5. (a) Bika bimunapande tahi kulinga simbu kanda bamimbwitike? (b) Biwano bya baka-Kilistu bimikwasa bati?

5 Munapande tahi kuzibuka Yehova na Yesu simbu kanda bamimbwitike. Munashangumuka laja kubazibuka omwo muli na kulilongesa Mbimbiliya. (Tandeni Yowano 17:3.) Oloni kumwapandele kulilongesa lika Mbimbiliya embwe. Mbimbiliya ngwayo munapande ‘kushula na mana a cizango’ ca Yehova. (Kolose 1:9) Biwano bya Bakaleho ba Yehova bimikwasa mulikute busamba na Yehova. Ngeci, munapande kukala ku biwano simbu yoshe.— Vahevelu 10:24, 25.

Bakaleho ba Yehova babali balilongesa Mbimbiliya na munu

Munapande tahi kulilongesa Mbimbiliya simbu kanda bamimbwitike

6. Bilongesa muka bya mu Mbimbiliya bimunapande kuzibuka simbu kanda bamimbwitike?

6 Yehova kashaka ngwendi kubanga muzibuke byoshe bili mu Mbimbiliya asinoni bamimbwitike embwe. Kasinganyekele ngwendi uje Kaisopya kubanga azibuke Mbimbiliya yoshe asina bamumbwitike embwe. (Vilinga 8:30, 31) Tutwalelela kulilongesa bya Njambi myaka yoshe. (Muka-Kwambulula 3:11) Oloni simbu kanda bamimbwitike, munapande kuzibuka na kutaba bilongesa bya maputukilo bya mu Mbimbiliya.—Vahevelu 5:12.

7. Kulilongesa Mbimbiliya kunamikwasa bati?

7 Mbimbiliya ngwayo: “Nga likulahelo lyahi, kutwasa kuzibisa Njambi kubwaha.” (Vahevelu 11:6, NWT) Ngeci munapande tahi kukala na likulahelo asinoni bamimbwitike. Mbimbiliya inatuleka ngwayo banu bamo ba mu nganda ya Kolinte bazibile byuma bibabalongesele kuli bandongesi ba Yesu, ngeci “bakulahelele, co babambwitikile.” (Vilinga 18:8) Neni kulilongesa Mbimbiliya kunamikwasa mukulahele byuma byanakulahesa Njambi na ñombelo ya Yesu ya kutupatula ku bubi na ku kutsa.—Yoshwa 23:14; Vilinga 4:12; 2 Timateo 3:16, 17.

LEKENIKO BAKWENI BUSUNGA BWA MU MBIMBILIYA

8. Bika bimilingisa mulekeko bakweni bimuli na kulilongesa?

8 Likulahelo lyeni likanyama omwo mulilongesa manene Mbimbiliya na kumona muili na kumikwasela mu kuyoya kweni. Oku kumilingisa mulekeko bakweni bimuli na kulilongesa. (Njelemiya 20:9; 2 Kolinte 4:13) Oloni beya bamunapande kulekako bimuli na kulilongesa?

Muka-kulilongesa Mbimbiliya ambulula muzimbu oku mulongesi wendi namutala

Likulahelo linapande kumilingisa mulekeko bakweni bimunalilongesa

9, 10. (a) Beya bamwasa kushangumuka kuleka bimuli na kulilongesa? (b) Bika bimunapande kulinga nga mushaka kwambulwila hamo na cikungulukilo?

9 Munasa kuleka babushoko bweni, babusamba beni, bamwatunga nabo na bakweni baka-bipangi byuma bimuli na kulilongesa. Mulinga mwamubwa kubaleka, oloni endekeni nabo mu cizemo. Mu kwita kwa simbu, mukashangumuka kwambulwila hamo na cikungulukilo. Ha simbu oyo imuliziba ngweni muneteho, munapande kuleka Mukaleho uje ali na kumilongesa ngweni mushaka kwambulwila hamo na cikungulukilo. Nga mulongesi weni amona ngwendi mwasa, co lalo muli na kukabangeya mashiko a mu Mbimbiliya mu kuyoya kweni, co mu bubali bweni mukaliwana na bakulunu babali ba cikungulukilo.

10 Bika bimukasimutwiya mumukaliwana na bakulunu? Bakulunu bakasimutwiya neni mangana bamone indi munazibisisa bilongesa bya maputukilo bya mu Mbimbiliya na kumona indi muli na kubikabangeya mu kuyoya kweni. Bakashaka lalo kuzibuka indi cili bene mushaka kupwa Mukaleho wa Yehova. Zibukeni ngweni bakulunu bakebo bali na kunyunga banu boshe mu cikungulukilo, hamo lika neni. Ngeci kumwapandele kuziba lyoba kusimutwiya nabo. (Vilinga 20:28; 1 Petulu 5:2, 3) Munima ya kusimutwiya nabo, bakamileka indi munapande kushangumuka kuila hamo na cikungulukilo mu kwambulula.

11. Mwafwa bika munapande kumbila bilinga bimo simbu kanda mushangumuke kwambulwila hamo na cikungulukilo?

11 Bakulunu banasa kumileka ngwabo kucili bilinga bimo bimunapande kumbila asina mushangumuka kwambulwila hamo na cikungulukilo. Mwafwa bika munapande kumbila obyo bilinga? Omwo tuleka bakwetu bya Njambi, tuli na kwimanena Yehova. Ngeci yoyesi yetu inapande kunena kasingimiko kuli ikeye.—1 Kolinte 6:9, 10; Ngalatiya 5:19-21.

TENGULUKENI NA KWILUKA KULI NJAMBI

12. Mwafwa bika banu boshe banapande kutenguluka?

12 Kuli byuma bikwabo bimunapande kulinga simbu kanda bamimbwitike. Kapositolo Petulu wendekele ngwendi: “Tengulukeni, asinoni ilukeni kuli Njambi, ngeci amisambese ku bibi byeni.” (Vilinga 3:19) Kutenguluka kulumbununa bika? Kutenguluka kunapu kuliziba kubihya ha bubi bwoshe bumunalingi. Cakumwenako, nga mwalikobelesele mu bilinga bya bukwizi, co munapande kutenguluka. Nameme bene mwakala na futisi yaibwa, anga munapande kutenguluka mwafwa tubaboshe tukabiisa, co tunapande kulomba Njambi atusambese.—Loma 3:23; 5:12.

13. ‘Kwiluka kuli Njambi’ kulumbununa bika?

13 Kuliziba lika kubihya ha bubi bumunalingi kunapumo ndi? Embwe. Petulu wendekele lalo ngwendi “ilukeni kuli Njambi.” Oku kulumbununa ngwabo munapande kwecela bilinga byabibi na kushangumuka kulinga byabibwa. Acisinganyekeni ngweni muli na kuya ku mutambela uje kumuzibuka. Omwo mweta ha mwela umo, munanguka ngweni muli na kuya mu ngila yeka. Mulinga bati? Twakulahela ngwetu mwimana, co mutenguluka na kuya mu ngila inapande. Mu cifwa cimolika, omwo mulilongesa Mbimbiliya munanguka bifwa bimo na bilinga bije bimunapande kwecela. Ngeci “ilukeni kuli Njambi,” nambe ngwetu eceleni bilinga byabibi na kushangumuka kulinga byabibwa.

LIKUNDIKENI YENI BABENYA

Muka-kulilongesa Mbimbiliya alikundika kuli Njambi mu lilombelo

Munakulahesa laja Yehova ngweni mumupangela ndi?

14. Mwasa kulikundika bati kuli Njambi?

14 Munapande lalo kulikundika kuli Yehova simbu kanda bamimbwitike. Oku kunapu kwa seho manene. Mulikundika kuli Yehova nga mumukulahesa mu lilombelo ngweni mushaka kupangela lika ikeye na kutwameka cizango cendi kulutwe mu kuyoya kweni.—Kwituluka mu Mashiko 6:15.

15, 16. Bika bishongangeya munu alikundike kuli Njambi?

15 Munu uje akulahesa kupangela lika Yehova, nalifu na munu uje akulahesa mukwabo ngwendi akala nendi mu kuyoya kwendi kwoshe. Acisinganyekeni hali munalume uje atonda munakazi wa kwambata. Omwo munalume ananguka bubwa bwa munakazi yanangula, kumulingisa amuzeme na kushaka kumwambata. Nameme bulo kubwapwile bwabwasi, oloni munalume ambata uje munakazi mwafwa namuzeme.

16 Neni omwo muzibuka Yehova, mumuzema na kushaka kumupangela. Oku kumilingisa mumukulahese mu lilombelo ngweni mushaka kumupangela. Mbimbiliya ngwayo woshe uje ashaka kukaba Yesu napande “kulibyana ikeye babenya.” (Mako 8:34) Mwasa kulibyana bati? Mumwesa ngweni munalibyana nga mwononoka Yehova simbu yoshe. Byuma byashaka Yehova bikebyo bipwa bya seho manene kutubakana bimushaka yeni.—Tandeni 1 Petulu 4:2.

KETI MUTEWE NGWENI HAMO MWONOWELA HAKATI

17. Mwafwa bika banu bamo kubesi kushaka kulikundika kuli Yehova?

17 Banu bamo kubesi kushaka kulikundika kuli Yehova. Bakatewe ngwabo hamo bonowa kumupangela, co bamuzibisa kubihya. Beka bakasinganyeka ngwabo nga kubalikundikile kuli Yehova, co kabana mulonga ha byuma bibalinga.

18. Bika bimikwasa mwonwe kumutewa ngweni hamo muzibisa Yehova kubihya?

18 Nga muzema Yehova, co kumutewe ngweni hamo mumuzibisa kubihya. Mulinga mumwasela mwoshe mangana mushulisilile bimunamukulahesa mwafwa mwamuzema. (Muka-kwambulula 5:4; Kolose 1:10) Kumusinganyeka ngweni kulinga cizango ca Yehova kwapwa kwakukalu. Kapositolo Yowano wasonekele ngwendi: “Omwo cizemo cetu kuli Njambi cilumbunuka ngeci twononoke mashiko endi. Co mashiko endi keti amakalu kuli yetu embwe.”—1 Yowano 5:3.

19. Bika bimunapande kulikundikila kuli Yehova nameme kumwalumbunukile?

19 Likundikeni kuli Yehova nameme kumwalumbunukile. Yehova kesi kushaka ngwendi tulinge byuma bije kutwasa. (Myaso 103:14) Amikwasa mangana mulinge byabibwa. (Isaya 41:10) Kulaheleni Yehova na mbunge yeni yoshe, co ‘akamimwesa bingila bya busunga.’—Visimo 3:5, 6.

KULITABELA KU MBUNGA KUJE KUTWALA KU KWOBOKA

20. Munima ya kulikundika kuli Yehova, cuma muka cikwabo cimunapande kulinga?

20 Muli na kuliziba ngweni munapande kulikundika kuli Yehova ndi? Munima ya kulikundika kuli Yehova, munapande lalo kulinga cuma cikwabo. Munapande kumbwitikiwa.

21, 22. Mwasa “kulitabela” bati ku mbunga ngweni muli na likulahelo?

21 Lekeni muka-kukwatasanesa cibunga ca bakulunu ngweni mwalikundika kuli Yehova, co mushaka kumimbwitika. Muka-kukwatasanesa aleka bakulunu bamo mangana betuluke neni mu bilongesa bya maputukilo bya mu Mbimbiliya. Nga bamona ngwabo munapwisamo, co bamileka ngwabo bamimbwitika ha ciwano ca citingitingi nambe ca mutambela. Oku ku ciwano bakendeka ñanda ije ikalumbununa mwamubwa cimbwitiko. Uje akana eyi ñanda akehula baje baya ku cimbwitiko bihula bibali byabyasi. Kukumbulula ebi bihula kumwesa ngwabo ‘munalitabela’ ku mbunga ngweni muli na likulahelo.—Loma 10:10.

22 Munima ya kukumbulula ebi bihula, co bakamimbwitika. Bakamizimika mu mema mbwitititi. Kumimbwitika kumwesa banu boshe ngwabo munalikundika kuli Yehova, co munapu Mukaleho wa Yehova.

CIMBWITIKO CENI CIMANENA BIKA?

23. Kumbwitika “mu lizina lya Tate na Mwana na munzinzime wa kujela” kulumbununa bika?

23 Yesu wendekele ngwendi bandongesi bendi bakabambwitika “mu lizina lya Tate, na Mwana, na munzinzime wa kujela.” (Tandeni Mateo 28:19.) Oku kulumbununa bika? Kulumbununa ngwabo munataba ngweni Yehova ikeye amiyula. Co mwazibuka cipangi cali naco Yesu mu kushulisilila biyongola bya Njambi. Co lalo munazibuka mwali na kupangesela Njambi sipilitu yendi ya kujela mu kushulisilila biyongola byendi.—Myaso 83:18; Mateo 28:18; Ngalatiya 5:22, 23; 2 Petulu 1:21.

Ndongesi amwesa kulikundika kwendi kuli Njambi kwitila mu cimbwitiko

Nga bamimbwitika, co mumwesa ngweni mushaka kulinga cizango ca Njambi

24, 25. (a) Cimbwitiko cimanena bika? (b) Bika bitulilongesa mu capita ya mamaneselelo?

24 Cimbwitiko cimanena cuma cimo cakama manene. Kumimbwitika mu mema, kulumbununa ngwabo munatsi nambe munaseze yoyesi yeni ya laja. Co kutufuka mu mema, kulumbununa ngwabo mwashangumuka yoyesi yaiha ya kulinga cizango ca Njambi. Mumwesa ngweni mupangela Yehova kushangumuka ha litangwa eli. Zibukeni ngweni kumwalikundikile ku munu, ku munga nambe ku cipangi cimo embwe. Oloni munalikundika kuli Yehova.

25 Nga mulikundika kuli Yehova na kumibwitika, kumikwasa mukale mu busamba bwabubwa na Yehova. (Myaso 25:14) Oloni kukulumbununa ngwabo nga banamimbwitika, co kunahu munoboka, embwe. Kapositolo Paulu wasonekele ngwendi: ‘Twaleleleniho kupangela kwoboka kweni na lyoba na kujaja.’ (Filipu 2:12) Cimbwitiko cinapu lika maputukilo a kutwala ku kwoboka. Oloni mwasa kutwalelelaho bati busamba bweni na Yehova? Capita inako ya mamaneselelo ikumbulula eci cihula.

BISIMPI BIMUNALILONGESA

SIMPI 1: BANAPANDE KUNJIMBWITIKA NDI?

“Kenga, mema awa. Bika lalo byasa kunjibindika kunjimbwitika?”—Vilinga 8:26-36

Bika bibanapande kumimbwitikila? Co bakamimbwitika bati?

Nga bamimbwitika, co mumwesa ngweni mushaka kumbila kuti futisi yeni ya laja na kushangumuka kulinga cizango ca Njambi.

  • Mateo 28:19, 20

    Nga mushaka kupangela Yehova, co banapande tahi kumimbwitika.

  • Myaso 40:8

    Nga bamimbwitika, co mumwesa ku bakweni ngweni mushaka kupangela Njambi.

  • Mateo 3:16

    Banapande kumizimika mu mema mbwitititi ngwe mubalingile Yesu.

SIMPI 2: YEHOVA KESI KUSHAKA NGWENDI MULINGE BYUMA BIJE KUMWASA

“Omwo cizemo cetu kuli Njambi cilumbunuka ngeci twononoke mashiko endi. Co mashiko endi keti amakalu kuli yetu embwe.”—1 Yowano 5:3

Bika kumwapandele kutewa kulikundika kuli Yehova?

  • Myaso 103:14; Isaya 41:10

    Likundikeni kuli Yehova nameme kumwalumbunukile. Amikwasa mulinge byabibwa.

  • Kolose 1:10

    Nga muzema Yehova, co kumutewe ngweni hamo mumuzibisa kubihya.

SIMPI 3: BIMUNAPANDE KULINGA MANGANA BAMIMBWITIKE

“Njambi yange njizema kulinga cizango cobe, njikanyunga bilongesa byobe mu mbunge yange.”—Myaso 40:8

Bika bimunapande kulinga mangana mulikundike kuli Yehova?

  • Yowano 17:3

    LILONGESENI LIJWI LYA NJAMBI

    Zibukeni Yehova na Yesu Kilistu. Omwo mulilongesa byabingi hali bakebo, kumilingisa mubazeme manene.

  • Vahevelu 11:6

    KANYAMESENI LIKULAHELO LYENI

    Kulaheleni bikulaheso bya Njambi na ñombelo ya Yesu ya kutupatula ku bubi na ku kutsa.

  • Vilinga 3:19

    TENGULUKENI

    Kutenguluka kunapu kuliziba kubihya ha bubi bwoshe bumunalingi.

    ILUKENI KULI NJAMBI

    Oku kulumbununa ngwabo munapande kwecela bilinga byabibi na kushangumuka kulinga byabibwa.

  • 1 Petulu 4:2

    LIKUNDIKENI

    Mulikundika kuli Yehova nga mumukulahesa mu lilombelo ngweni mushaka kupangela lika ikeye na kutwameka cizango cendi mu kuyoya kweni.

    Mabulu a Mbunda (1987-2025)
    Tundaho
    Kobela
    • Mbunda
    • Anako bakweni
    • Biushaka
    • Copyright © 2025 Watch Tower Bible and Tract Society of Pennsylvania
    • Mashiko a Mwakuipangesela
    • Mwakupangesela Mizimbu Yobe
    • Mwakunonekela Mizimbu Yobe
    • JW.ORG
    • Kobela
    Anako Bakweni