CILONGESA 12

Kwendeka na Nzanzu na Cizemo

1 Tesalonika 2:7, 8

SIMPI YAKAMA: Endeka kwesekesa nomwo muuli na kulizibila na kumwesa baje bakutolilila ngwobe wabazema.

Singanyeka ha banu baje bakutolilila. Nanguka bukalu bubali na kumona mangana uwane ngila yaibwa ya kwendekelamo. Linga ngwe uli na kumona mubali na kulizibila.
Angula mwamubwa majwi awendeka. Endekesi yobe inapande kuzembeleka na kutakamesa baje bakutolilila. Keti upangese majwi aje abazibalesa ku mbunge. Keti wendeke mwamubi ha banu baje kubakulaelele, nambe ha byuma bibakulaela.
Mwesa ngwobe wabazema. Endeka na lijwi lyalibotsi na kupangesa mwamubwa bilyo bya mubila mu kumwesa baje bakutolilila ngwobe wabazema. Ha mesho obe hanapande kumwesa muuli na kulizibila. Mwesula mwesula omwo wendeka nabo.

Keti utubakanese kumwesa nzanzu, nambe kulinga ya kulisindiya. Omwo utanda, mwesa mwalizibilile munu wendekele majwi autanda, oloni keti utande mu ngila ije ikomokesa banu. Endeka kuli bakebo mu cizemo na lijwi lyalibotsi.