CILONGESA 32

Bumwene bwa Njambi Buli na Kuyula!

Libulu lya Kupulinta

Bumwene bwa Njambi bwashangumukile kuyula mwilu mu 1914. Ha simbu ei hakeho hawashangumukilile na matangwa a kukotoka kwa ciyulo ca banu. Tuzibuka bati ngoco? Tusimutwiyeni byuma biyendekele Mbimbiliya na byuma binalingiwa kushwa mu 1914, hamolika na bifwa bya banu.

1. Bika biyendekele Mbimbiliya?

Ku mukanda wa Ndanyele, Mbimbiliya yamwesele ngwayo Bumwene bwa Njambi bukashangumuka kuyula ku mamaneselelo a “bisimbu 7.” (Ndanyele 4:16, 17, NWT) Yesu watumbwile ei simbu ngwendi ‘simbu ibanangula ya baka-mafuti.’ Co walongesele banu ngwendi ei simbu te kanda ihwe. (Luka 21:24) Ngwe mutumwena, bisimbu 7 byahwile mu mwaka wa 1914.

2. Bika binalingiwa kushwa mu 1914, co banu banafu bati?

Bandongesi ba Yesu bamwihwile ngwabo: ‘Tuleke, ebi byuma bikalingiwa mwaka uka, co cizibukiso muka tukazibukilaho kukalako kwobe na kuhwa kwa katumameno ka myaka ino?’ (Mateo 24:3) Yesu mwabakumbulwile, wabalekele byuma bikalingiwa omwo akashangumuka kuyula mwilu na kupwa Mwene wa Bumwene bwa Njambi. Ebi binambateselela binzita na njala na mandunduma. (Tandeni Mateo 24:7.) Mbimbiliya yendekele lalo ngwayo bifwa bibakakala nabyo banu mu “matangwa a kukotoka” bikakaluwisa buyoye. (2 Timateo 3:1-5) Ebi byuma bikebyo binalingiwa, maneneni kushwa mu mwaka wa 1914.

3. Bika binalingisa byuma bikaluwe kushwa habunashangumukila kuyula Bumwene bwa Njambi?

Omwo kwetile simbu yaindondo kutunda hapwililile Mwene, Yesu walwile na Satana na bandemone bendi. Co Satana bamuhyanene. Mbimbiliya ngwayo “bamumbilile hasi hamo na tungelo twendi boshe.” (Kujombolola 12:9, 10, 12) Satana nalubala manene mwafwa azibuka ngwendi ololo bamunyongesa. Ngeci, ali na kuyandesa banu. Mukemwo kuli na kulingiwa byuma byabibi manene. Bumwene bwa Njambi bukamanesa byuma byoshe byabibi.

TONDESESENI

Tuzibuka bati ngwetu Bumwene bwa Njambi bwashangumukile kuyula mu 1914? Co bika bitunapande kulinga?

4. Mizimbu ya mu Mbimbiliya imwesa ngwayo Bumwene bwa Njambi bwashangumukile kuyula mu 1914

Kengeni VIDIO.

VIDIO: Bumwene bwa Njambi Bwashangumukile Kuyula mu 1914 (5:02)

Njambi walingisile Nebukataneza mwene wa Mbambilone alote cilota. Cije cilota hamolika na byuma byalumbunwine Ndanyele byamwesele ngwabyo cije cilota catalesele ku ciyulo ca Nebukataneza na ku Bumwene bwa Njambi.—Tandeni Ndanyele 4:17.a

Tandeni Ndanyele 4:20-26, na kupangesa cati omwo mukumbulula bihula binatako:

(A) Bika byamwene Nebukataneza mu cilota calotele?—Taleni vesi 20 na 21.
(B) Bika byalingiwile ku muti?—Taleni vesi 23.
(C) Bika byalingiwile munima ya “bisimbu 7”?—Taleni vesi 26.

Cilota ca Muti Cinatalesa Bati ku Bumwene bwa Njambi?

BUPOLOFWETO (Ndanyele 4:20-36)

Bumwene buyula

(A) Muti wakama

Bumwene babwimika

(B) ‘Shinjeni ou muti, eceleni bisimbu 7 bite’

Nsina ya muti banaikutu na lilyenge lya butale na bunengu.

Bumwene buyula lalo

(C) “Ukapwa lalo mwene”

Obu bupolofweto mubwalishulisilile ha kulibanga . . .

(D) Muti wemanenene iya?—Taleni vesi 22.
(E) Bumwene bwendi babwimikile bati?—Tandeni Ndanyele 4:29-33.
(F) Bika byalingiwile kuli Nebukataneza ku mamaneselelo a “bisimbu 7”?—Tandeni Ndanyele 4:34-36.

MUBWALISHULISILILE HA KULIBANGA

Bumwene buyula

(D) Nebukataneza, Mwene wa Mbambilone

Mwene Nebukataneza nemana oku ali na kulyalesa.

Bumwene babwimika

(E) Munima ya mwaka wa 606 B.C.E., Nebukataneza azaluka, co onowa kuyula ha myaka 7

Nebukataneza natsikama, co ali na kulya mwila ngwe kasitu.

Bumwene buyula lalo

(F) Nebukataneza akala lalo na mana, co ashangumuka lalo kuyula

Mwene Nebukataneza natala mwilu, co nemika maboko.

Obu bupolofweto mubwalishulisilile lwa mu cibali . . .

(G) Muti wemanenene bika?—Tandeni 1 Mizimbu 29:23.
(H) Bumwene bwabo babwimikile bati? Tuzibuka bati ngwetu obu bumwene bacibwimikile nameme Yesu mwakele hano hasi?—Tandeni Luka 21:24.
(I) Obu bumwene bwashangumukile lalo kuyula mwaka uka? Kuli?

MUBWALISHULISILILE LWA MU CIBALI

Bumwene buyula

(G) Bimyene ba Baisalele baje bemanenene Bumwene bwa Njambi

Bimyene ba Baisalele bali ha matanda kwesekesa nomu mubanalikabelele. Ceke cili na kubatwila.

Bumwene babwimika

(H) Yelusalema bainyongesa, co bimyene ba Baisalele becela kuyula ha myaka 2,520

Tuhya twenyeka nganda ya Yelusalema mu mwaka wa 607 B.C.E. Mu kwita kwa simbu, myaka 2,520 ihwa.

Bumwene buyula lalo

(I) Yesu apwa Mwene wa Bumwene bwa Njambi, co ashangumuka kuyula mwilu

Yesu ali na kuyula kaye oku ali mwilu kushwa mu 1914 C.E. Ceke cili na kumutwila.

Bisimbu 7 binapu simbu ya kupwa hali?

Mikanda imo ya mu Mbimbiliya itukwasa tuzibisise mikanda ikwabo. Cakumwenako, mukanda wa Kujombolola umwesa ngwawo bisimbu bitatu na hafu binapu hamo na matangwa 1,260. (Kujombolola 12:6, 14) Ngeci, bisimbu 7 binapu matangwa 2,520. Mu Mbimbiliya, litangwa linasa kwimanena mwaka. (Ezekiyele 4:6) Ngeci, bisimbu 7 bibanendeka ku mukanda wa Ndanyele bimanena myaka 2,520.

5. Kushwa lika mu 1914, byuma binatenguluka mu kaye

Kengeni VIDIO.

VIDIO: Kaye Kanatenguluka Kushwa mu 1914 (1:10)

Yesu wapolofwetele byuma bikalingiwa mu kaye omwo akapwa Mwene. Tandeni Luka 21:9-11, na kusimutwiya ha cihula cinatako:

Byuma muka bibanendeka oku ku mukanda bimunalimwena nambe kulizibila?

Kapositolo Paulu wendekele mubakafwila banu mu matangwa a kukotoka. Tandeni 2 Timateo 3:1-5, na kusimutwiya ha cihula cinatako:

Banu banafu bati ano matangwa?

Bikupulo: Bikupulo bimwesa mubinafwila byuma mu matangwa a kukotoka. 1. Mukulunu wa maswalale ali na kutambakana oku nemika maboko mwilu. 2. Mitungo yasiuka mwafwa ya lindunduma. 3. Bifulai bya nzita. 4. Banu banazala tunanga ku tunwa na ku majulu bali na kwenda. 5. Tuposhi tubali twa mu nganda ya New York tuje tunapu hamo tuli na kwenya munima ya lwozi. 6. Munalume ali na kulitiba nguya ya bumbanda bwa kupendesa. 7. Munalume nemika ñome mwilu, co ali na kuyalumukila munakazi wendi. 8. Mambanda na bwala bwa kuliseza-seza. 9. Banakazi babali banazala maseka, masikiyo, busanga na bizalo bibali na kuzala bambanda babangi ano matangwa, co bali na kulikupula. 10. Munalume ali na kulaka myaso ku cilika. 11. Muka-kutengulukila ali na kwasha mbomba.

6. Kuzibuka ngwetu Bumwene bwa Njambi buli na kuyula kutushongangeya tulinge bika?

Tandeni Mateo 24:3, 14, na kusimutwiya ha bihula binatako:

Cipangi muka ca seho cimwesa ngwaco Bumwene bwa Njambi buli na kuyula?
Mwasa kukundwiya bati eci cipangi?

Bumwene bwa Njambi buli na kuyula mwilu, co ololo bushangumuka kuyula na hano hasi. Tandeni Vahevelu 10:24, 25, na kusimutwiya ha cihula cinatako:

Bika bitunapande kulinga omwo twazibuka ngwetu “litangwa lya Mwene lili muyehi”?

Bikupulo: 1. Muka-kulilongesa Mbimbiliya ali ku biwano bya Bakaleho ba Yehova. 2. Uje muka-kulilongesa Mbimbiliya ali na kwambulwila kabusamba kendi. — Mulinga bati nga muwana byuma bije byasa kukwasa bakweni nambe kubobola?

BAMO BANASA KWIHULA NGWABO: “Bakaleho ba Yehova bashakela bika kwendeka bya mwaka wa 1914?”

Yeni ngwe mubakumbulula bati?

SIMPI YAKAMA

Bupolofweto bwa mu Mbimbiliya na byuma bili na kulingiwa mu kaye bimwesa ngwabyo Bumwene bwa Njambi buli na kuyula. Tumwesa ngwetu twakulahela ngoco nga twambulula na kukunguluka.

Kwitulukamo

Bika byalingiwile ku mamaneselelo a bisimbu 7 bibanendeka ku mukanda wa Ndanyele?
Bika bimilingisa mukulahele ngweni Bumwene bwa Njambi bwashangumukile kuyula mu 1914?
Nga Bumwene bwa Njambi buli na kuyula, mwasa kumwesa bati ngweni mwakulahela ngoco?

Litangwa licinahu cilongesa:

Cilengo

Pwisenimo byuma bitondeka mangana mupwe muka-kwambulula.

Cilengo Cikwabo:

Your other goal

WANENI BIKWABO

Baka-kutondesesa biñanda bya kusañulu na bakwabo ngwabo kaye kanatenguluka kushwa mu 1914.

“Futisi ya Banu Yashangumukile Kuya Mweka” (Toneni! ya April 2007)

Bupolofweto buli ku mukanda wa Mateo 24:14 bwatengulwile bati yoyesi ya munalume umo?

“Njazemene Manene Bweho bwa Baseball Kutubakana Byoshe!” (Kaposhi ka Kukengela ka Na. 3 2017)

Tuzibuka bati ngwetu bupolofweto buli ku mukanda wa Ndanyele capita 4 bunatalesa ku Bumwene bwa Njambi?

“Bumwene bwa Njambi Bwashangumukile Kuyula Mwaka Uka? (Mutamba 1)” (Kaposhi ka Kukengela ka October 1, 2014)

Bika bimwesa ngwabyo “bisimbu 7” bibanendeka ku mukanda wa Ndanyele capita 4 byahwile mu mwaka wa 1914?

“Bumwene bwa Njambi Bwashangumukile Kuyula Mwaka Uka? (Mutamba 2)” (Kaposhi ka Kukengela ka November 1, 2014)

a Taleni biñanda bibali bya mamaneselelo ha mutamba wa Waneni Bikwabo.