Anguleni Mwamubwa Babusamba

Babusamba bakatushubulwisa, co lalo bakatutakamesa nga tunaliwana na bukalu. Oloni Mbimbiliya yatunangula ngwayo keti munu woshe asa kupwa kabusamba wamubwa. Ngeci, twasa kwangula bati babusamba bababwa? Tusimutwiyeni ha bihula binatako.

1. Babusamba bamwangula bamilingisa mupwe banu ba kufwa bati?

Kakangi, tukatembwinina banu batukakala nabo. Banu batulikwatasana nabo, ipwe mesho na mesho nambe ha intaneti, basa kutushongangeya kulinga byuma byabibwa nambe kutungumuna. Mbimbiliya ngwayo: “Uje enda na baka-mana apwa muka-mana lalo, oloni uje enda na bilema [banu baje kubazemene Yehova], akanyonga.” (Visimo 13:20) Kukala na babusamba baje bazema Yehova kumikwasa mukanyamese busamba bweni na Yehova na kumikwasa mwangule mwamubwa byakulinga. Oloni kukala na babusamba baje kubazemene Yehova kwasa kuzeyesa busamba bweni na Yehova. Mukemwo Mbimbiliya itushongangeya ngwayo twangule mwamubwa babusamba. Nga tukala na babusamba baje bazema Njambi, co tulishongangeya umo na mukwabo. ‘Tulitakamesa umo na mukwabo na kulikwasa umo na mukwabo.’—1 Tesalonika 5:11.

2. Yehova aliziba bati ha babusamba bamwangula?

Yehova akangula mwamubwa babusamba bendi. ‘Wapwa kabusamba ka baka-busunga.’ (Visimo 3:32) Yehova aliziba bati nga tulikuta busamba na banu baje kubamuzemene? Kalizibi bwino. (Tandeni Yakomba 4:4.) Oloni nga tulikwatasana na banu baje bazema Yehova na kujeneka kulikwatasana na baje kubamuzemene, co Yehova aliziba kubwaha ku mbunge, co lalo alikuta busamba netu.—Myaso 15:1-4.

TONDESESENI

3. Keti mulikwatasane na babusamba bababi

Banu baje kubazemene Njambi na mashiko endi banapu babusamba bababi. Kengeni VIDIO na kusimutwiya ha cihula cinatako.

VIDIO: Keti Mulikute Busamba na Banu ba Bilinga Byabibi (6:17)

• Twasa kushangumuka bati kulikwatasana na banu bababi kwa kujeneka kunanguka?

Tandeni 1 Kolinte 15:33, na kusimutwiya ha bihula binatako:

• Banu ba kufwa bati bamunasa kwendeka ngweni keti babusamba bababwa? Mwafwa bika?

Tandeni Myaso 119:63, na kusimutwiya ha cihula cinatako:

• Mwashaka kabusamba wa kufwa bati?

4. Mwasa kulikuta busamba na banu ba kuliseza-seza

Mbimbiliya inendeka bya busamba bwa Ndabiti na Yonatana. Yonatana walisezelele kulako na Ndabiti ku myaka ya kusemuka, co lalo wapwile muna mwene. Oloni busamba bwendi na Ndabiti bwakanyamene manene. Tandeni 1 Samwele 18:1, na kusimutwiya ha cihula cinatako:

• Mwafwa bika kutwapandele kukala lika na babusamba baje batunapu hamo nabo nambe baje bali lika na byuma bituli nabyo mu buyoye?

Tandeni Loma 1:11, 12, na kusimutwiya ha cihula cinatako:

• Babusamba baje bazema Yehova basa kulitakamesa bati umo na mukwabo?

Mu vidio inatako, nangukeni omwo ndolome umo wa mukwenje wawanenenemo babusamba baje kasinganyekele ngwendi asa kubawana. Kengeni VIDIO na kusimutwiya ha bihula binatako.

VIDIO: Likuteni Busamba na Banu ba Kuliseza-seza (5:06)

• Kwesekesa na vidio, bika byalingisile bisemi ba Akil basimutwiye nendi bya kabusamba kendi wa ku sikola?

• Bika byamulingisile alikute busamba na bakwabo bakele na kukobela nabo sikola?

• Bika byamukwasele ajeneke kutwalelelaho kuliziba buli?

5. Mwasa kukala bati na babusamba bababwa?

VIDIO: Mwasa Kuzibuka Bati Kabusamba wa Busunga? (4:14)

Tandeni Visimo 18:24 na 27:17. Kutundaho, simutwiyeni ha bihula binatako:

• Babusamba bakalikwasa bati umo na mukwabo?

• Kuma muli na babusamba ba cifwa oco ndi? Nga kumwesi nabo, mwasa kubawana bati?

Tandeni Filipu 2:4, na kusimutwiya ha cihula cinatako:

• Nga mushaka kukala na babusamba bababwa, munapande tahi kupwa kabusamba wamubwa. Mwasa kulinga bati ngoco?

SIMPI YAKAMA

Nga twangula mwamubwa babusamba, co tuzibisa Yehova kubwaha ku mbunge. Co lalo tulitakamesa umo na mukwabo.

Kwitulukamo

• Mwafwa bika Yehova ashaka ngwendi twangule mwamubwa babusamba?

• Banu ba kufwa bati kutwapandele kulikuta nabo busamba?

• Mwasa kukanyamesa bati busamba bweni na banu baje bali na bifwa byabibwa?

WANENI BIKWABO

Babusamba bababwa basa kutukwasa bati ha simbu ya bukalu?

“Kanyameseni Busamba Bweni Simbu Kanda Mamaneselelo Aije” (Kaposhi ka Kukengela ka November 2019)

Moneni bimwasa kulinga mangana muwane babusamba bababwa.

“Njasa Kuwana Bati Babusamba Bababwa?” (Bikumbululo ku Bihula Bibakehula Babaha, Volyumu 1, capita 8)

Bika bimunapande kuzibuka ha babusamba ba ha intaneti?

Pangeseni Intaneti Mwamubwa (4:12)

Tandeni ñanda ya “Njashakele Kukala na Batate” mangana muzibe byalingisile munalume umo angule mwamubwa babusamba.

“Mbimbiliya Ikatengulula Buyoye bwa Banu” (Kaposhi ka Kukengela ka April 1, 2012)