Kulongesa mu ngila yayasi

Bika Byalingile Yesu?

VIDIO: Yesu Ana Cakumwenako Cimwesa Mwatwakela Mbunge Ishe

1. Kengeni VIDIO, nambe kutanda Mateu 6:25-27. Kutundaho, singanyekeseseni ha bihula binatako:

1. Yesu wamwesele bati ngwendi Yehova watwaka mbunge?

2. Nameme Yesu wazibukile byabingi ha tuzila, wendekele ha cuma muka? Mwafwa bika yapwile ngila yaibwa ya kulongeselamo?

Bika Bitulilongesa Kuli Yesu?

2. Nga tulongesa banu mu ngila yayasi, co banuka bitunabalongesa, co lalo tubeta ku mbunge.

Tembwinineni Yesu

3. Keti mulyake ha kwendeka manene. Kutubakana kwendeka byoshe bimuzibuka ha ñanda imusimutwiya, endekeni lika biñanda bili mu libulu. Nga munamwihula cihula, mubandameneni akumbulule. Nga kazibuka cikumbululo, nambe nga cikumbululo cendi cililwisa nebi biilongesa Mbimbiliya, co mwihuleni bihula bikwabo bije bimukwasa asinganyekeseseho. Nga nakwata simpi yakama, co shweneni.

4. Pangeseni biñanda byazibuka mangana mumulongese biñanda byabiha. Cakumwenako, simbu kanda mushangumuke cilongesa cendeka bya kusanguka, mwasa kwituluka mubwihi byanalilongesa ha cifwa cibalimo batsi.

5. Pangeseni mwamubwa byakumwenako. Simbu kanda mupangese cakumwenako, lihuleni ngweni:

1. ‘Eci cakumwenako cacasi ndi?’

2. ‘Kuma munu injikalilongesa nendi acizibisisa bwasi ndi?’

3. ‘Kuma cimukwasa anuke simpi yakama indi akanuka-anukako lika cakumwenako?’