Mwanuka Ndi?

Munatanda mwamuvwa mangazini a ololo a Kaposhi ka Kukengela ndi? Nga munatanda, cho tumoneni indi mwatha kukumbulula evi vihula:

Vyuma muka viwana vitunapande kulinga mangana twimbe mwamuvwa?

Twatha kwandula mutwe nga tujundwila mwilu livulu lyetu lya Myatho. Tunapande kukoka mpundthzi yaingi. Nga twashama manene omwo twimba, cho kutukwatha twimbe mu kutambakana.—w17.11, lipu. 5.

Mwafwa vika mitamba ivakele vinganda vya kutewela vya mu Isalele na vingila vije vyaileko vituthzivitha kuvwaha?

Kwakele vinganda vya kutewela vya kupwa 6, cho vingila vyaileko vyapwile vyavivwa. Kwapwile kwakwathi kutewelako mu vwathi vwathi.—w17.11, lipu. 14.

Mwafwa vika ndando ya kupatula ya Yesu inapu vwana vwakama manene vwa kutunda kuli Njambi?

Itukwatha tukayoye myaka yoshe na kutupatula ku vuvi na kukuthsa. Njambi wathzemene manene vana va Andama, ngechi watwanene munendi mwafwa tuvavoshe twapwile tu vaka-vuvi.—wp17.6, lipu. 6-7.

Mukanda wa Myatho 118:22 wakundama vati ku kuthanguka kwa Yesu?

Yesu vamuvyanene ngwavo kethi ikeye Mesiya, cho vamuthsiyile. Wapandele kuthanguka mangana apwe ‘limanya lya theho yakama.’—w17.12, lipu. 9-10.

Kuma Mesiya wapandele kuthemukila mu vantwatwa ndi?

Vanu vamo vakundamene ku chikota cha Yesu vapwile vantwatwa, oloni kethi voshe. Ndaviti muna Njesi kapwile ntwatwa, oloni wakundamene ku chikota cha Mesiya.—w17.12, lipu. 14-15.

Vinangulo muka vya kukundama ku kulikinga ku mishongo vije vyakala mu Mbimbiliya?

Lishiko lyamwethele ngwalyo vaje vavinjile mishongo imo kuvakele na kuvatavetha kukala hamo na vakangule. Vanu vapandele kujwela ku mavoko munima ya kukwata chivimbi. Lishiko lyendekele lalo ngwalyo mathzilo a mwimo vapandele kuwashitika. Mu Mashiko a Njambi vamwethelemo ngwavo vimbututu vavatuhule, nga vali na matangwa 8 kutunda ha kuthemuka. Oku kwalingithile vimbututu vajeneke kwita manene maninga.—wp18.1, lipu. 7.

Mwafwa vika kukwavihile kuli muka-Kilisitu kulithzema ikeye vavenya mu ngila yaivwa?

Tunapande kuthzema vakwetu ngwe mutwalithzema yetu vavenya. (Mako 12:31) Vanalume vanapande “kuthzema vanakathzi vavo ngwe muvakathzeme mivila yavo vavenya.” (Efeso 5:28) Oloni kwapwa kwakuvi nga munu alithzema manene ikeye vavenya.—w18.01, lipu. 23.

Vyuma muka vimunapande kulinga mangana mukole ku sipilitu?

Tunapande kulilongetha Lijwi lya Njambi na kuthinganyekethethaho na kupangetha vyuma vitunalilongetha. Tunapande lalo kwechelela sipilitu ya kujela itutwamenene, cho lalo tunapande kutambula vukwathi ku vakwetu.—w18.02, lipu. 26.

Mwafwa vika vaka-kutahetha vingongonothi na vaka-kumikiya kuvatha kuthzivuka vyuma vya kulutwe?

Kuli vyuma vyavingi vilingitha ngocho, oloni chuma chakama Mbimbiliya ivindika vingila vyoshe vivakapangetha.—wp18.2, lipu. 4-5.

Tunapande kulinga vati nga vatulanya ku vyakulya?

Nga tunatava kuya, cho tunapande kushulithilila majwi etu. (Myatho 15:4) Kutwapandele kwonowa kushulithilila majwi etu ha vyuma vya kujeneka theho. Munu uje natulanya nafwitangana ha kuvwahetha vya kulya.—w18.03, lipu. 18.

Vanalume vavanangula, valilongetha vika kuli Timateo?

Timateo wakele vanu mbunge, cho lalo watwamekele vyuma vya ku sipilitu kulutwe. Wapangele na ndthzili mu vipangi vya Njambi na kupangetha vyuma vyakele na kulilongetha. Watwaleleleho kulilongetha na kukulahela sipilitu ya Yehova. Vakulunu na vaka-kwambulula voshe vatha kutembwinina Timateo.—w18.04, lipu. 13-14.