Kuvwethzelela ku Vutongwe Vwetu vwa mu Lihya—Kwambulwila ku Mbunga mu Chitingitingi cha Chikungulukilo

Vichapwila cha Kulema: Vanu vanathzethzama, ngechi chachikalu kuvawana ha vinjuvo na mutanya. Vikungulukilo vanavikanyametha kwambulwila ku vyela vya mbunga hakujala mikanda ha vimetha nambe ha tutambo twakuthindumuna mangana vakoke vithinganyeka vya vaje vali nakwita. Tutambo twakuthindumuna mwatha kuvalomba ku ofisi ya munango. Chikungulukilo chinatha lalo kwambata mapapelo a vikupulo aje avanatavetha mu vindaka vyavingi ha JW.ORG. Neni mwalikuwaho laja kulikwathetha eyi ngila mu chipangi chetu chakwambulula ndi?

Mwakulingila:

Kavangeyeni omwo yimileka munga ya vipangi ya chikungulukilo mukulikwathetha vimetha na tutambo hakwambulwila ku vyela vyakuthzethzama vya mu chitingitingi cha chikungulukilo cheni.
Kunapu kwakuvwa kwangula thimbu yakulifwa, na mwela umolika, na litangwa lyakulifwa lya kutumbika tutambo twa kuthindumuna nambe vimetha chalumingo na chalumingo. Nga mulinga ngocho, vanu vethzilila kumona tutambo na vimetha, cho vathzituka nakushwenya muyehi kwakwihula vihula nambe kwambata mikanda.
Pweni vakuthzituka, vandthzandthzu, vakumwethula-mwethula. Nga munu aija kukatambo, muka-kwambulula umo natha kuputuka kwendeka ngwendi, “Mwalihulaho laja viyendeka Mbimbiliya ha ñanda eyi ndi?” Muka-kwambulula mukwavo nambe vavali vanatha kwambulula mu chintulu oku vali muyehi na katambo.
Vaje vamwetha kuvwahelela, munatha kuvalomba vamyane vikeyala nambe manambala a mafoni avo. Pangetheni fomu ya S-43 mangana vaje vanavwahelela vakavendele lalo.

Good News for All Nations

Bibele I Lutañi Luli?

Kavangeyeni Vyuma Vino mu Ngonde Ino:

Ha thimbu yakulombela kwa nanga, laveni vyela vya mbunga vya mu chitingitingi cheni kuje mwatha kuya nakwambulwila. Litulwitheni mwakwambulwila, nakwangula viñanda vije vyatha kweta ku vimbunge vya vanu vavangi mu chitingitingi cheni.