Kuvwethzelela ku Vutongwe Vwetu vwa mu Lihya—Kushangumuka Chilongetha cha Mbimbiliya Kupangetha Mbuloshuwa ya Muthzimbu Wauvwa Wakutunda Kuli Njambi!
Vichapwila cha Kulema: Tunapande kupwa valongethi va Lijwi lya Njambi mangana tupwithe vanu kupwa vandongethi. (Mat. 28:19, 20) Tuvavoshe twatha kulongetha vuthunga mu vutongwe nga tupangetha vinoma vivanatwana. Mbuloshuwa ya Muthzimbu Wauvwa Wakutunda Kuli Njambi! itukwatha tulongethe vakwetu vuthunga. Twatha kuyipangetha kushangumuka chilongetha cha Mbimbiliya ha vungendthzi vwa kulivanga.
Kavangeyeni Vyuma Vino mu Ngonde Ino:
Lombeni mangana mukale na lishungu lya kutwamenena chilongetha. Lombeni lalo kuli Yehova mangana amikwathe muputuke chilongetha cha Mbimbiliya na kupwa na vutongwe vwa kulongetha vuthunga.—Fili. 2:13.
Ha thimbu ya kulemetha kweni kwa nanga, nambe ha chilongetha lika lya munu, itulukeni mu vingila vya kwendekelamo mangana vimikovele mu mbunge. Oku kumikwatha kwendeka mu kuthimpa na kushangumuka chilongetha cha Mbimbiliya.