Kuvwethzelela ku Vutongwe Vwetu vwa mu Lihya—Kwithzilitha Vanu Vamukalongetha Kushaka Kulilongetha Vyavingi

Vichapwila cha Kulema: Vaka-kulilongetha Mbimbiliya vanapande kulilongetha vyavingi mu Lijwi lya Njambi mangana vakole ku sipilitu. (VaHe. 5:12–6:1) Kulilongetha kutondeka kulifwita. Kunambatethelela kwetheketha vyuma vimulilongetha ku vyuma vimunalilongetha laja na kumona muvyatha kumikwathelamo.(Vithi. 2:1-6) Vaka-kulilongetha Mbimbiliya vanapande kulilongetha kulengeya mangana vathzivuke mwakukumbulwila vihula vya kukundama ku Mbimbiliya kupangetha mavulu etu. Kwakela manene mana ku vyuma vivali na kulilongetha kuvakwatha kulivwahethela kukanyamena vyetheko vivaliwana navyo ha kupwa vaka-Kilisitu.—Luk. 6:47, 48.

Mwakulingila:

Mulekeni vichapwila cha kulema kulomba vukwathi kuli Yehova thimbu kanda mushangumuke kulilongetha.—Yow 14:26; 1 Koli. 2:10.
Kushwa kumaputukilo, munapande kushongangeya munu imukalilongetha nendi Mbimbiliya kulivwahethela chimweja. Mumwethen mumukafundikila vikumbululo nambe vithimpi vyakama mu livulu lyeni na kumulongetha mwakulingila ngocho.
Mulongetheni kukumbulula mu majwi endi. Kethi mumwihule lika vihula muvanavithonekelamo, mwafwa echi chimulingitha atande lika vivanathoneka mu livulu.
Mushongangeyeni kutanda Mbimbiliya litangwa na litangwa. Mumwetheni chinangakano cha kutanda Mbimbiliya chili ha jw.org, nambe cha mu Kaposhi ka Kukengela ka Silozi ka August 1, 2009, liputa 15 chije chimukwa tha kuthzivuka mwakutandela mwamuvwa Mbimbiliya. Kutanda Mbimbiliya litangwa na litangwa kwakukalu, oloni napande kulifwita.—Mya. 1:2, 3.
Mulongetheni mwakuwanena vikumbulululo ku vihula vya kukundama ku Mbimbiliya kupangetha Watchtower Library nambe Watchtower ONLINE LIBRARY, nambe livulu lya silozi lya Buka ya Lipatisiso. Mukwatheni kuthzivuka mathona avakapangetha mu kutumbula mavulu etu mu vwihi.

Kavangeyeni Vyuma Vino mu Ngonde Ino:

Hanima ya kulilongetha ha kamutwe nambe nga mumanetha kapetu, ihuleni munu imunakala na kulilongetha nendi mangana endekeko mu vwihi vyuma vyanalilongetha. Nga kukwethi munu imukalongetha, cho yeni vavenya ethekeni kwendekako mu vwihi ñanda imo imunatanda mu Mbimbiliya nambe ha palangilafu imo ya mu Kaposhi ka Kukengela mangana mumone mumukathzivithithilamo vimukatanda.