Kulivwahethela Kukalongetha mu Vutongwe

Yesu nendi vamwihwile echi chihula luvali kukundama ku mwonyo wa myaka yoshe. Oloni wakumbulwile kwetheketha na vyuma vinapande munu nehula. (Luka 10:25-28; 18:18-20) Thimbu imo tunatha kuthzivuka mwamuvwa chilongetha chimo cha mu Mbimbiliya. Oloni anga tunapande kulivwahethelacho mu kwaka munu itukalilongetha nendi mu vithinganyeka. Vithimpi muka vije katha kuthzivithitha nambe kutava vwathi? Vithoneka muka vitunapande kukatanda nendi? Tunapande kulilongetha mapalangilafu angai? Tunatha kulivwaethela chakumwenako nambe kulumbununa kumo nambe vihula vimo vije vyatha kumukwatha kukwata vwathi viñanda. Anukeni lalo ngweni Yehova ikeye akakwatha munu kuthzivuka vuthunga. Ngechi omwo tulivwaethela kukalongetha munu, tunapande kulomba vukwathi kuli Yehova na kumulomba ngwetu avethzikithe munu itukalilongetha nendi na kulifwita kwetu omwo tumukwatha ku sipilitu.—1 Koli. 3:6; Yako. 1:5.