Kavangeyeni Mwanja wa Tupolofweto—Hambakuke
1. Mwafwa vika kuyoya kwetu kunatha kulifwa na kwa Hambakuke?
1 Omwo vuvi vuli na kutuma manene muno mu kaya mutuli, tunatha kuthinganyeka ngwe Hambakuke uje wehwile Yehova ngwendi: “Omwo vikajo njimwena tuyando twangachije? Omwo vikajo utavethela vanu ngechi valinge vuvi vwangachije?” (Hamba. 1:3; 2 Tima. 3:1, 13) Kuthinganyeka ha majwi a Hambakuke na ha kulongwa kwendi, kutukwa tutwaleleho kupwa va kukanyama omwo tuvandamena litangwa lya Yehova lya kuthompa.—2 Petu. 3:7.
2. Twatha kumwetha vati ngwetu tuli na likulahelo matangwa ano?
2 Kuyoya mu Kwononoka: Vukalu vwaliwanene navwo Hambakuke, kuvwamuthzeyethele, oloni watwaleleho kupwa wa kukanyama ku sipilitu. (Hamba. 2:1) Yehova wakulathele kapolofweto ngwendi lijwi Lyendi likalishulithilila ha thimbu inapande ngwendi “vaka-vuthunga vakayoya omwo vakononoka kuli Njambi.” (Hamba. 2:2-4) Oku kukwatha vati vaka-Kilisitu vali na kuyoya mu matangwa a kukotoka? Kukulahela ngwavo mamanethele kuakakala kukekwo kwa theho, kethi kushaka kuthzivuka thimbu iakaija. Kukalana na lukulahelo kutukwatha kupwa va kutona thimbu yoshe na kutwameka ka chipangi cha Njambi kulutwe.—Heve. 10:38, 39.
3. Mwafwa vika tunapande kutwalelelaho kuvwahelela mu kupangela Yehova?
3 Pweni va Kuvwahelela mu Kupangela Yehova: Omwo Ngonge wa ku Mangonge akalwitha vanu va Yehova, likulahelo lyetu vakalyetheka. (Ezeki. 38:2, 10-12) Lwothzi lukanene tuyando twakama tuje tukayandetha na vaka-kulwa. Vyakulya vinatha kukeha. Kunatha kukala vuhutu, cho kuyoya kunatha kutenguluka. Twatha kulinga vati nga tuliwana mu vukalu? Hambakuke walivwaethelele tuyando, ngechi wangwile kutwalelelaho kuvwahelela mu kupangela Yehova. (Hamba. 3:16-19) “Kujolela kwa Shukulu Kalunga” kutukwatha kukanyama nga tuliwana mu vukalu.—Nehe. 8:10; Heve. 12:2.
4. Vuvwa muka vutuwana matangwa ano na kulutwe?
4 Vaje vakovoka ha litangwa lya Yehova lya kuthompa, vakalilongetha kuyoya mu ngila yashaka Njambi. (Hamba. 2:14) Vaje vakathankuka navo vakalilongetha vya Yehova. Na matangwa ano tunapande kuthimutwiya vya Yehova na vilinga vyendi vya kukomoketha.—Myatho. 34:1; 71:17.