Yombi Wapwile wa Kulongwa mu Vyetheko

Yombi wakele mu lifuti lya Uze, ha thimbu ivakele va Isalele mu vundungo ku Ingito. Yombi walemethele Yehova mu kulongwa, nambe ngwavo kapwile ka Isalele. Wakele na nanga yakama, wafukile manene, cho lalo wathsimanene mu chitingitingi chendi. Wapwile muka-kunangula na muka-kuthompa wa kujeneka kahangu. Wapwile muka-kukwatha tuhutu na vaka-kukalekeya. Yombi wapwile munalume wa kulongwa.

Yombi wamwethele mpundu ngwendi Yehova wapwile Munu wa kulema manene mu kuyoya kwendi

1:8-11, 22; 2:2-5

• Satana wathzivukile kulongwa kwa Yombi. Wathzivukile ngwendi Yombi akononoka Yehova, oloni wombwanethele vithinganyeka vya Yombi vya kupangela Njambi

• Satana wendekele ngwendi Yombi ali na kupangela Yehova mwafwa ya vyuma vyalinakumwana

• Yehova wechelele Satana kwetheka ou munalume wa kulongwa, mangana akumbulule vije vya muvangeyeye. Satana wanenele tuyando twatwingi mu kuyoya kwa Yombi

• Omwo Yombi watwaleleleho kupwa wa kulongwa, Satana wombwanethele lalo kulongwa kwa vanu voshe

• Yombi kalingile vuvi nambe kuvangeya Njambi ha vyuma vyavivi vyaliwanene navyo