Muli na Kupangetha JW Library Ndi?

JW Library chapwa chikwata chije chimitavetha kwambata Mbimbiliya, mikanda, mavindiyo, na mapulongilamu akutolilila a ha Intaneti kupangetha foni, tambuleti nambe, kompyuta.

MWAKUCHAMBATELA: Yeni ha intaneti, na kwambataho JW Library ije ili mu app store na kuyaka ha likina lyeni. Eyi app ili mu miyati yaingi. Thimbu muchili ha intaneti, shokololeni app mangana mwambate vyuma vimushaka kwaka ha foni yeni. Nga kumwethi na intaneti ha njuvo yeni, cho mwatha kuya kuje kuli intaneti, ipwe ku njuvo ya Vumwene, ku layimbulali ya mbunga nambe ku chitanda. Nga munambata laja mikanda ha intaneti na kuyaka ha likina lyeni, cho mwatha kulitandelayo kwa kujeneka intaneti. Kuli mapulongilamu amaha avakavwethzelela ha JW Library, ngechi munapande kupangetha intaneti thimbu na thimbu mangana mulyambatelewo na kuwaka ha likina lyeni.

VUVWA VWA JW Library. Echi chikwata chimikwatha manene nga mulilongetha likalyeni nambe nga muli ku viwano vya chikungulukilo. Chapwa chachivwa manene lalo kuchipangetha mu lihya maneneni mu kwambulula kwa chintulu.