Kuvwethzelela ku Vutongwe Vwetu Vwa mu Lihya Kushongangeya Vaje Vanavwahelela Vayayaye ku Viwano

VICHAPWILA CHA THEHO: Viwano vikatwana thimbu ya ‘kwimbila Shukulu Kalunga’ na ‘kumushangathzala.’ (Mya 149:1) Ku viwano kukekwo kuvakatulongetha mwakulingila chithzango cha Njambi. (Mya 143:10) Vaje vanamwetha kuvwahelela na vaje vatukalilongetha navo Mbimbiliya vakola vwathi ku sipilitu nga vashangumuka kuyayaya ku viwano.

MWAKULINGILA:

• Valanyeni oho vene. Kethi muvandamene ngweni kuvanga muchishangumuke kulilongetha navo Mbimbiliya.—Kuj 22:17

• 

  Lumbunwineni munu uje navwahelela vyuma vya vandamena kukamona nevi vivakathimutwiya ku viwano vya chalumingo chijaho. Evi vyuma vinakavangeyaho vyatha kumikwatha mu kulinga ngocho: kalipapelo ka kulanya vanu ku viwano, vindiyo ya Vika Vikalingiwa ku Njuvo ya Vumwene?, nambe chilongetha 5 na 7 cha mbuloshuwa ya Chithzango cha Njambi

• 

  Mukwatheni. Nga ou munu katha kwenda, nambe hamo kathzivuka vyanapande kuthzala ku viwano, waneni ngila imumukwathelamo. Tumbameni hamo lika nendi ku viwano na kupangetha hamo nendi mavulu eni. Muthzimbuleni ku vakweni