Muli na Kupangetha Mwamuvwa Makati Amwetha vya JW.ORG Ndi?

Chipangi chetu cha kwambulula chinapu cha vwathivwathi, mwafwa ya ñavava yakama ije ili muyehi. (Vit 24:11, 12, 20) Twatha kupangetha makati aje avakwatha kuthzivuka vya Lijwi lya Njambi na wembusaiti yetu. Eyi kati ili na chinoma hakwinika foni mangana ivatwale ha vindiyo ya Vika Viunapande Kulilongethela Mbimbiliya? na chilanyo chije chivakwatha kuthzivuka vyavingi nambe kulomba chilongetha cha Mbimbiliya. Vanu vamo kuvethi kushaka kutambula mavulu etu, oloni vakalikuwu kuya ha wembusaiti yetu. Tunapande kwana vanu otu tu makati oho vene. Oloni kethi mwane vaje kuvamwetha kuvwahelela.

Nga muliwana na munu ku vipangi vyeni vya litangwa na litangwa, cho munatha kwendeka nendi ngweni: “Kuli koma kamo kanjishaka kumyana. Eyi kati imitwala ha wembusaiti haje hali mithzimbu, na mavindiyo akulithethzathethza avwana.” (Yow 4:7) Awa makati vanawapanga mu vundondo, ngechi tunatha kwambatako kamukuta mangana twane vanu hoshe hatuwanena thimbu.