YOYETHI YA VAKA-KILISITU
Anukeni Kulombelela Vaka-Kilisitu Vaje Vavali na Kuyandetha
Mbimbiliya ya polofwetele ngwavo Satana akatupaketha mangana onowethe chipangi cha kwambulula. (Yow 15:20; Kuj 12:17) Twatha kukwatha vati vakwetu vaka-Kilisitu vaje vali mu mupaketho mu mafuti eka? Mu ku valombelela. “Lilombelo lya munu muka-vuthunga lili na ndthzili manene mu kupanga.”—Yak 5:16.
Vika vitunapande kutumbula mu lilombelo? Twatha kulomba Yehova akwathe vandolome na vandokathzi vetu kupwa va kuthimpa na kujeneka kukala na lyova. (Isa 41:10-13) Twatha lalo kulombelela vaje vali na moko ya kuyula, vatavethe chipangi chetu cha kwambulula kuya kulutwe, “ngechi tuyoye mwamuvwa mu kwoloka.”—1Ti 2:1, 2.
Paulu na Petulu muvakele mu mapaketho, vaka-Kilisitu va mu chita cha myaka cha kulivanga va valombelele mu kuvatumbula ha mathzina. (Vil 12:5; Lom 15:30, 31) Nameme kututhzivuka mathzina a vaje vali mu mapaketho ha thimbu ino, oloni nga tulombela twatha kutumbula vikungulukilo nambe mafuti nambe mitambela kuvakala.