Vatambuleni na Ndthzandthzu

Kutambula veya? Voshe vaje vaija ku viwano vyetu vaka-Kilisitu ipwe vavaha nambe valaja. (Lom 15:7; Hev 13:2) Natha kupwa mukwetu muka-kukulahela wa ku lifuti lyeka, nambe muka-Kilisitu nelukilile munima ha myaka yaingi. Achithinganyekeni mumunatha kulithzivila nga neni vamitambula na ndthzandthzu. Munatha kuvwahelela, indi vati? (Mat 7:12) Ngechi munapande kulifwita kukandelela vakweni mu Njuvo ya Vumwene thimbu kanda viwano viputuke nambe hanima. Echi chikanene kuvwahelela kwakama na kuthingimika Yehova. (Mat 5:16) Oloni thimbu imo kunatha kukaluwa kumeneka voshe vanakunguluka. Nameme ngocho nga munu na munu alifwita mwoshe mwanathela, voshe valithziva ngwavo mwavatambula mwamuvwa.a

Tunapande kutambula vangendthzi na ndthzandthzu thimbu yoshe, kethi ha vilika vyakama lika vya kufwa ngwe Chanukitho. Nga vavaha vamona ngwavo twavamwetha chithzemo cha vuthunga, cho vanatha kushangathzala Njambi na kulikwatathana netu mu kulemetha kwa vuthunga.—Yow 13:35.