YOYETHI YA VAKA-KILISITU
Mwa Kulilongethela Mbimbiliya na Ntwima
Mushaka kutwalelelaho kupwa va kulongwa omwo muliwana na vyetheko ngwe mwalingilile Ndanyele ndi? Ndanyele walilongethele Lijwi lya Njambi na ntwima, kwambatethelela na vupolofweto vwa kukola. (Nda 9:2) Kulilongetha Mbimbiliya na ntwima kumikwatha mutwaleleho kupwa va kulongwa. Mu ngila muka? Kumikwatha mukulahele ngweni vyuma vyanakulahetha Yehova vikalishulithilila. (Yos 23:14) Kumikwatha lalo muthzeme manene Yehova na kushaka kulinga vyavivwa. (Mya 97:10) Mwatha kushangumuka vati kulilongetha? Tuchithimutwiyeni ha vyuma vino.
Vika vinjinapande kulilongetha? Kulilongetha kunambatethelela na kulivwahethela viwano vya chikungulukilo. Kutanda Mbimbiliya kwa chalumingo na chalumingo kumikwatha nga muwana thimbu ya kutondetha vithimpi vije kumwathzivithithile mwamuvwa. Cho lalo vamo vanalyangwila kulilongetha vupolofweto vwa mu Mbimbiliya na vushuka vwa kulithethzathethza vwa sipilitu ya Njambi na mangendthzi a vumishinali a kapositolo Paulu nambe kulilongetha vyuma vyanatanga Yehova. Nga mwalihula chihula chimo mu mbunge yeni, cho chithonekeni mangana mukashakethzeke chikumbululo ha thimbu imukalilongetha.
Kuli kunjiwana vikumbululo? Kengeni vindiyo ya Liitusiso za Kuezisa Patisiso Kuli Mufumane Litaba za Butokwa za Kwa Moya mangana muthzivuke mwa kutondethethela. Tondethetheni vivimanena vikashama vivanendeka mu mukanda wa Ndanyela kapetulu 7.
Thimbu ya kupwa hali injinapande kumanethela ku kulilongetha? Kulilongetha thimbu yoshe kumikwatha mukole ku sipilitu. Mwatha kushangumuka na vilongetha vyavindondo, kukapwa muje mulilongetha na vilongetha vyakama. Kulilongetha Lijwi lya Njambi kunapu ngwe kushakethzeka vufuko vwa kushweka. Nga mwawanako vumo, vumilingitha mutwaleleleho kushakethzeka vufuko vukwavo. (Vit 2:3-6) Mukala na lihwila lyakama lya kutanda Lijwi lya Njambi, cho lalo mwithzilila kulilongetha Mbimbiliya thimbu yoshe.—1Pe 2:2.
VAJE VIKASHAMA VALI KU NDANYELE KAPETULU 7 VEMANENA VIKA?
CHIHULA CHIKWAVO:
Majwi ali ku Ndanyele 7:8, 24 alishulithilile vati?
HA CHILONGETHA CHIKWAVO:
Vaje vikashama vavanatumbula ku mukanda wa Kujombolola kapetulu 13 vemanena vika?