Twatha Kuthzema Vati Njambi na Vakwetu?

Nameme vaka-Kilisitu kuvethi mwithi ya lishiko lya Mosesa, oloni Njambi washaka ngwendi vononoke mashiko avali akama a kuthzema Njambi na vakwavo. (Mat 22:37-39) Chithzemo cha chifwa echi kuchethi kulithzila ngocho, oloni tunapande kulifwita mangana tukale nacho. Twatha kukala nacho vati? Ngila imo itwatha kulinga ngocho inapu kutanda Mbimbiliya ha litangwa na litangwa. Nga tuthinganyekethetha ha vifwa vyavivwa vya Njambi vivanamwetha mu Vithoneka, cho tuthzivuka “vuvwa vwendi.” (Mya 27:4) Ngechi chithzemo chetu kuli ikeye chikola, cho tuthinganyeka ngwe mwakathinganyekela. Oku kutushongangeya twononoke mashiko a Njambi, kwambatethelela na lishiko lya kuthzema vakwetu. (Yow 13:34, 35; 1Yo 5:3) Kuli vingila evi vitatu vitukwatha kutanda Mbimbiliya mu ngila yaivwa:

• Lingeni ngwe muli na kumona vyuma vimutanda, cho pangetheni ndthzili yeni ya kuthinganyeka. Lingeni ngwe neni kumuli. Vika mu li na kumona na kuthziva, cho lwengo muka muli na kuthziva? Vanu va muli navo vali na kulithziva vati?

  

• Pangetheni vingila vya kulithethzathethza. Vimo vyavyo evi: Tandeni mu kutambakana nambe kukavangeya mwamuvwa majwi avanatanda. Tandeni muthzimbu wa munu wa mu Mbimbiliya nambe ñanda imo kutuvakana kukavetha kapetulu na kapetulu. Chakumwenako, pangetheni Litaba Zeekelizwe A7 nambe B12 mu Mbimbiliya ya Toloko ya Lifasi Lelinca mangana mutande vya Yesu. Tandeni kapetulu koshe muvanatunditha mukanda wa litangwa. Tandeni mikanda yoshe ya mu Mbimbiliya kwetheketha nomwo muyinalikavathanena.

  

• Tandeni na kuthzivithitha. Kutanda kapetulu kamo lika ha litangwa na kuthinganyekethethaho kukwatha munu athzivithithe mwamuvwa kutuvakana kutanda tupetulu twatwingi mu kushaka lika kumanetha vwathi. Nangukeni kuinataletha ñanda. Thinganyekethetheni oyo ñanda mu kushula. Pangetheni vimapu na majwi a kwinikila na mukana wa vithoneka vije vitwala ku vithoneka vikwavo. Tondethetheni ñanda ije kumwethi kuthzivithitha. Nga chitava, thimbu imuthinganyekethetha inapande kupwa hamo lika na ije imutanda Mbimbiliya.