Kuvwethzelela Ku Vutongwe Vwetu Vwa Mu Lihya​—Kulongetha Ndongethi Yetu Alivwahethele

VIKWAPWILA KWA THEHO: Nga vanu vatukalilongetha navo Mbimbiliya valivwahethela chimweja, cho vathzivithitha vwathi na kwanuka vituvalongetha. Nga vathzivithitha na kwanuka, cho vakola vwathi ku sipilitu. Nameme hanima ya kuvambwitika, vanapande kutwalelelaho kulivwahethela viwano na kuya mu lihya mangana vatwaleleleho kupwa vaka-kukengelela. (Mat 25:13) Nga vathzivuka mwakulilongethela na kukala na chinoneko chachivwa kuvakwatha mu vuyoye vwavo vwoshe. Tuchishangumuka lika kulilongetha Mbimbiliya na vanu, tunapande kuvakwatha vapwe vaka-kulivwahethela chilongetha chavo cha Mbimbiliya thimbu yoshe.

MWAKULINGILA:

• 

  Pweni mwanja wauvwa. (Lom 2:21) Akeni munu imukalilongetha nendi mu vithinganyeka ha thimbu imulivwahethela chilongetha. (km 11/15 3) Napande kulimwena ngwendi munafundika vikumbululo mu livulu lyeni

• 

  Mushongangeyeni alivwahethele chilongetha. Nga mwashangumuka kulilongetha nendi mulekeni ngweni kulivwahethela kwapwa kulilongetha Mbimbiliya, cho lalo mulumbunwineni vuvwa vuli mu kulivwahethela. Mulekeni mwanatha kuwanena thimbu ya kulivwahethela. Valongethi vamo vakana livulu lyavo livanafundika vikumbululo ku munu ivakalilongetha nendi ha thimbu ivalilongetha mangana vamukwathe amone vuvwa vwa kulivwahethela. Mushangaleni nga nalivwahethela

• Mumwetheni mwa kulivwahethelela chilongetha. Valongethi vamo vachishangumuka lika kulilongetha na munu vakalivwahethela hamo lika nendi mangana vamumwethe mwakuwanena vikumbululo