Nameme Paseka kuyemanenene Chanukitho, oloni vyuma vimo vivakele na kupangetha netu vitukwatha. Chakumwenako, kapositolo Paulu watumbwile Yesu ngwendi ikeye “Muna Manga wetu wa Paseka.” (1Kr 5:7) Maninga a Yesu ovola myonyo ya vanu, ngwe mwa maninga a vimanga avakwitile ha vipamba mwakele na kwovwela vanu. (Kut 12:12, 13) Cho lalo kuvakele na kupokola vithsiya vya muna manga wa ha Paseka. Mu ngila imo lika, Yesu nendi kuvamupokwele vithsiya, nameme vakele na kupokola vithsiya vya vanu vavakele na kushukika ha miti.—Kut 12:46; Yow 19:31-33, 36.