Vika Vyalivungila mu Kukavangeya Yesu?

9:62

Muka-kulima na vingombe kapandele kwaka mbunge ku vyuma vili kunima mangana alime mwamuvwa. Mu ngila imo lika, muka-Kilisitu kapandele, kwechelela vyuma vya muno mu kaye vyanathethzele vimungumune.—Fil 3:13.

Nga tuli mu vukalu, kukapu kwakwathi kwanuka muvyakele na kwendelelamo vyuma kunima, hamo tahi kanda tulilongethe vuthunga. Kulinga ngocho, kwatha kutulingitha tumone ngwe twakele na kuyoya mwamuvwa kwa kujeneka vukalu. Mukemwo muvalingilile na Vaisalele muvatundile mu Ingito. (Kul 11:5, 6) Nga tuthinganyeka manene vya kunima, tunatha kushangumuka kulinga vyuma vyavivi vitunathethzele. Ngechi, tunapande kuthinganyekethetha ha vivethzikitho vituli na kulikuwa, na kwaka manene mbunge ku vyuma vitukalikuwa mu Vumwene vwa Njambi kulutwe.—2Ko 4:16-18.