Mukananguka Bifwa bya Njambi Bije Kumwasa Kumona Ndi?

Nga mukenga bintemo byabibwa, bingongonosi, na mema aha cipupa, mukasinganyeka ngweni kwali wabitangele ndi? Byuma bya kutanga bitukamono bitukwasa kunanguka bifwa bya Yehova bije kutwasa kumona. (Lom 1:20) Kusinganyekesesa ha byuma bya kutanga bitukamono, kutukwasa tunanguke nzili ya Njambi, cizemo cendi, mana endi, kusungama kwendi na mbunge yendi ya kwana.—Mya 104:24.

Byuma muka byanatanga Yehova bimukamono ha litangwa na litangwa? Nameme mwakala mu mbongi, oloni mukamono tuzila na miti. Kusinganyekesesa ha byuma byanatanga Yehova kutukwasa kutepulula ku bishoti byetu na kwaka mana ku byuma bya seo na kukulaela ngwetu Yehova asa kutunyunga myaka yoshe. (Mat 6:25-32) Nga muli na bana, bakwaseni bananguke bifwa bya Yehova bya kulitila. Nga tusinganyekesesa ha byuma bya kutanga, co tushwenya kuyei na Ishamatanga.—Mya 8:3, 4.

KENGENI VIDIYO YA BYUMA BYA KUTANGA BISHOLOLA BUMPAU BWA NJAMBI—CEKE NA MIBALA, KUTUNDAO KUMBULULENI BIHULA BINATAKO:

• Bika bikatukwasa kumona mibala ya kulisezaseza?

• Mwafwa bika tukamono mibala ya kulisezaseza ha cuma cimo kwesekesa lika noho hatunemanena?

• Mwafwa bika tukamono mibala ya kulisezaseza mwilu?

• Mibala muka yaibwa ha byuma bya kutanga imukamono ku binjubo byeni?

• Bika kwapwila kwa seo kusinganyekesesa manene ha byuma bya kutanga?