Kubwezelela ku Butongwe Bwetu bwa mu Lihya​—Kwecela Kulilongesa na Munu uje Kesi na Kukola ku Sipilitu

BIKWAPWILA KWA SEO: Banu banapande kutambeka ha lizina lya Yehova mangana bakoboke. (Lom 10:13, 14) Oloni keti boshe batukalilongesa nabo Mbimbiliya, bakakabangeya binangulo bya Yehova. Tupangesa mwamubwa simbu yetu nga tukwasa banu baje bashaka kutengulula futisi yabo mangana bazibise Yehova kubwaha. Nga tunalilongesa na munu simbu yailaha, oloni kashaka kukola ku sipilitu, co tunapande kushakezeka baje bali na kukoka Yehova. (Yow 6:44) Oloni nga kulutwe akamwesa ngwendi ‘banamwangwila ku mwonyo wa myaka yoshe,’ co tukatwalelelao kulilongesa nendi.—Vil 13:48.

MWAKULINGILA:

• Mushangale mwafwa ya kushaka kulilongesa busunga.—1Ti 2:4

• Muleke bubwa bwa kupangesa byuma byanalilongesa.—Luk 6:46-49

• Simutwiya nendi bya cisimo ca muka-kukuba, co mwihule endeke byuma binasa kumulingisa akwatakwate ku masinde.—Mat 13:18-23

• Muleke mu kasingimiko bikulingisa wecele kulilongesa nendi

• Muleke ngwobe bisimbu bimo uyayaya na kukamumona mangana ukamutakamese, co muleke lalo ngwobe mukasa kukashangumuka kulilongesa nga akashaka kupangesa byalilongesa

KENGENI VIDIYO, KUTUNDAO KUMBULULENI BIHULA BINATAKO:

• Bika bimunamono mu vidiyo bije binamwesa ngwabyo munu ibanakele na kulilongesa nendi kakele na kukola ku sipilitu?

• Muka-kwambulula nakwasele bati cilongesa cendi amone ngwendi napandele kupangesa byakele na kulilongesa?

• Muka-kwambulula nakwasele bati cilongesa cendi mangana amone ngwendi kulutwe nasa lalo kukashangumuka kulilongesa nendi?