Banike Fwitanganeni Kupanga Bipangi Byabibwa

Paulu wasonekelele Tito mukanda. Mu mukanda ou wa kuhwiminina, wasonekelemo ngwendi banike boshe kwambateselela na Tito banapande ‘kupwa cimweso mu bipangi byabibwa.’ (Tit 2:6, 7) Kutundaho, wasonekelemo lalo ngwendi banu ba Yehova banabajelesa mangana ‘bapange bipangi byabibwa.’ (Tit 2:14) Ebi bipangi byabibwa binambateselela kwambulula muzimbu waubwa wa Bumwene bwa Njambi. Nga mu banike, pangeseni bwanike bweni mu kupwa bapainiya ba kukwasa nambe ba simbu yoshe.—Vis 20:29.

Nga muli na bisinganyeka bya kupwa painiya, libwaheseleni mwamubwa mangana mupange bwino eci cipangi. (Luk 14:28-30) Cakumwenako, munasa kusinganyekesesa mumwasa kuwanena bimbongo bya kulikwasa nabyo omwo mulinga bupainiya, nomwo mumwasa kweta ha cilengo ca maola a ha ngonde na ngonde. Ngeci munapande kulomba Yehova amikwase. (Mya 37:5) Munapande lalo kulomba bukwasi ku bisemi beni na kusimutwiya na bapainiya mangana bamikwase. Co nangukeni hamunapande kupangela mangana mushulisilile cilengo ceni. Yehova akamibezikisa omwo mupanga na ntima cipangi cendi.

KENGENI VIDIO YA BANIKE BAJE BALI NA KUSINGIMIKA YEHOVA, KUTUNDAHO KUMBULULENI BIHULA BINATAKO:

• Bukalu muka bubanahyanene bamo mangana bapwe bapainiya, co balingile bati?

• Bisemi basa kukwasa bati bana babo bapwe bapainiya ba simbu yoshe?

• Mwafwa bika kwapwa kwa seho kukala na cinoneko ca mwakwambulwila mu lihya?

• Bandolome na bandokazi ba mu cikungulukilo, basa kukwasa na kushongangeya bati bapainiya?

• Bibezikiso muka bibali na kulikuwa bapainiya?