YOYESI YA BAKA-KILISTU
Kuma Mwazema Manene Lijwi lya Njambi Ndi?
Yehova Njambi ikeye Babenya Mbimbiliya. Omu mu libulu lya kujela mwakala biyongola na majwi endi. (2 Pe 1:20, 21) Mbimbiliya inendeka manene bya kwimanena ciyulo ca Njambi cije cikakalako kwitila mu Bumwene bwendi. Ngeci, Mbimbiliya ili na kukwasa banu bazibuke ngwabo ololo bayoya mwamubwa. Co lalo yasholola bifwa byabibwa bya Yehova, Tate yetu wa mwilu.—Mya 86:15.
Kuli byuma byatulingisa tuzeme Lijwi lya Yehova. Kuma tuli na kumwesa ngwetu twazema Mbimbiliya ije yapwa bwana bwabubwa ha kuitanda na kupangesa bitunatanda ndi? Tunapande kumwesa ngwetu twazema Lijwi lya Njambi ngwe muka-kwimba uje wendekele ngwendi: “Yange njazema manene mashiko obe.”—Mya 119:97.
KENGENI VIDIO YA BAZEMENE MBIMBILIYA—KAVIDIO KAKEHI (WILLIAM TYNDALE). KUTUNDAHO, KUMBULULENI EBI BIHULA BINATAKO:
Bika byalingisile William Tyndale anungulule mitamba ya Mbimbiliya?
Mwafwa bika kutukomokesa kumona ngwetu walifwitile kunungulula Mbimbiliya?
Bimbimbiliya byanungulwile Tyndale babitwalele bati ku England mu bushweke?
Umo na umo wetu asa kumwesa bati ngwendi wazema Lijwi lya Njambi?