Bilongesa Muka Bili mu Myaso ya Kulitila?

Myaso muka imo ya kulitila imwashaka manene? Mwafwa bika? Kuma mavidio ayo akamwesa byuma bikalingiwa ha litangwa na litangwa ndi? Tuli na myaso ije yendeka ha byuma bya kulisezaseza, co lalo banaimbi mu bingila bya kulisezaseza. Ngeci, munu na munu nasa kuwana mwaso umweta ku mbunge. Oloni myaso ya kulitila na mavidio ayo kubyapwile bya kulizima lika nabyo buli.

Mwaso na mwaso wa kulitila uli na bilongesa bije bitwasa kupangesa mu buyoye bwetu Baka-Kilistu na mu lihya. Myaso imo ikendeka bya kutambula bangezi, bya likwatasano, bya babusamba, bya kusimpa, bya cizemo nambe bya likulahelo. Ikwaboco ikendeka bya kwilukila kuli Yehova, bya kukonekela bakwetu, bya kupwa ba kulongwa ha litangwa na litangwa na bya kulyakela bilengo bya ku sipilitu. Kuli na mwaso wa kulitila uje wendeka bya kupangesa mwamubwa mafoni. Byuma muka bikwabo bimunalilongesa mu myaso ya kulitila?

KENGENI VIDIO YA MWASO WA KULITILA WA PALADAISI ILI MUYEHI, KUTUNDAHO, KUMBULULENI BIHULA BINATAKO:

• Bibezikiso muka bya kulutwe bibanakala na kusinganyekesesa baje baka-kulyambata banakulubala?—Kus 12:3

• Bika bitukwasa tukulahele manene nzili ya Yehova ya kushulisilila bikulaheso byendi?

• Beya batunabandamena kukalimona nabo ololo mu paladaisi?

• Byuma bitunabandamena kukalikuwa mu Bumwene bwa Njambi bitukwasa bati tukolese omwo tuliwana na tuyando ano matangwa?—Lom 8:25