BISIMPI BYA SEHO BYA MU LIJWI LYA NJAMBI | KUTUUKA 10-11

Mosesa na Alone Bapwile ba Kusimpa

10:3-6, 24-26, 28; 11:4-8

Mosesa na Alone basimpile omwo bendekele na Falo, uje wapwile wa nzili manene mu kaye ha simbu ije. Bika byabakwasele basimpe? Mbimbiliya inendeka hali Mosesa ngwayo: “Ha kukulahela, Mosesa watundile mu Ingito kakele na lyoba lya kutewa bukalu bwa mwene. Nambe ngwe namono laja Njambi uje kutwasa kumona, co wabyanene kwilukilako.” (Hev 11:27) Mosesa na Alone bakele na likulahelo lya kukanyama, co bakulahelele Yehova.

Byuma muka bimunasa kuliwana nabyo bije bitondeka mupwe ba kusimpa omwo mwendeka bya likulahelo lyeni ku munu uje ali na nzili ya kushika?

Cikupulo: Byuma bitunasa kuliwana nabyo bije bitonda kupwa ba kusimpa. 1. Muna sikola nemana oku bakwabo bemba mwaso wa lifuti. 2. Ndolome nemana mu nkuta. 3. Ndolome wa mukwenje ali mu lihya co ali na kwana tilakiti kuli babenya njubo oku kapokola ali na kukenga.