Koleseni Omwo Mamaneselelo Ali Muyehi

BIKWAPWILA KWA SEHO: Ololo kusholoka byuma bije bitondeka kupwa ba kusimpa na kukulahela manene Yehova. Ñababa yakama ikashangumuka mubakanyongesa bulombelo bwa makuli. (Mat 24:21; Kuj 17:16, 17) Ha simbu oyo, hamo tukambulula muzimbu wa kusompa. (Kuj 16:21) Ngonge wa Mangonge akatulwisa. (Eze 38:10-12, 14-16) Oloni Yehova akanyungilila banu bendi omwo akanena “nzita ha Litangwa lyakama lya Njambi Muka-nzili yoshe.” (Kuj 16:14, 16) Tunapande kukolesa nga tuli mu byeseko mangana tukapwe ba kusimpa omwo ñababa yakama ikashangumuka.

MWAKULINGILA:

• Ononokeni mashiko a Yehova.​—Isa 5:20

• Twaleleleniho kulikwatasana na bakweni baka-Kilistu mu kulemesa Njambi.​—Hev 10:24, 25

• Kabangeyeni biimileka munga ya Yehova.​—Hev 13:17

• Singanyekeseseni omwo Yehova wobwelelemo banu bendi kunima.​—2 Pe 2:9

• Lombeleni kuli Yehova na kumukulahela.​—Mya 112:7, 8

KENGENI VIDIO YAIHI YA BYUMA BYA KULUTWE BIJE BITONDEKA KUPWA BA KUSIMPA, KUTUNDAHO KUMBULULENI EBI BIHULA:

• 

  Bukalu muka bubaliwanene nabwo baka-kwambulula omwo cikungulukilo mubakele bacikumbasanene na bikwabo?

• 

  Kwononoka kutukwasa bati tupwe ba kusimpa?

• 

  Mwafwa bika tunapande kukapwa ba kusimpa ha Alamagidoni?

• 

  Muzimbu muka wa mu Mbimbiliya utukwasa tukulahele ngwetu Yehova asa kutwobola?—2 Mi 20:1-24