YOYESI YA BAKA-KILISTU
Keti Mushandole Biñanda bya Makuli
Ano matangwa mizimbu inasa kweta bwasi ku banu babangi. Banasa kuiwana mu mabulu nambe mu mapapelo a mizimbu, ku bisanzi, ha ma TV nambe ha intaneti. Baje balemesa Njambi wa busunga kubashaka kushandola biñanda bya makuli nambe mu kujeneka kuzibuka. (Mya 31:5; Kut 23:1) Kushandola biñanda bya makuli kwasa kunena bukalu. Nga mushaka kuzibuka indi biñanda bimunazibi binapu bya busunga, lihuleni ngweni:
‘Ebi biñanda bitunda kuli?’ Hamo owo namileke oyo ñanda kesi na bukaleho bwa kushula. Biñanda bije bineti mu tunwa twatungi byasa kutenguluka, ngeci munapande kunyanyama nga kumuzibuka mwamubwa kubitunda. Baje babanana bipangi bimo mu cikungulukilo kubapandele kwendeka biñanda bije kubyesi na bukaleho mwafwa basa kungumuna baje bali mu cikungulukilo
‘Ebi biñanda bibiisa lizina lya munu ndi?’ Kutwapandele kuya na kwendeka biñanda bije bibiisa lizina lya munu nambe cibunga cimo.—Vis 18:8; Fil 4:8
‘Ebi biñanda bya busunga ndi?’ Munapande kunyanyama nga muziba biñanda bya kukomokesa
KENGENI VIDIO YA BIKA BINJIKWASA NJIJENEKE KUKALA NA LUFWE? KUTUNDAHO KUMBULULENI BIHULA BINATAKO:
Kwesekesa na Visimo 12:18, bika byasa kutunda mu kwendeka majwi amabi?
Mukanda wa Filipu 2:4 utukwasa bati twendeke-endeke bakwetu mwamubwa?
Bika bitunapande kulinga nga banu batuli nabo bashangumuka kwendeka bakwabo mwamubi?
Bihula muka bitunapande kulihula simbu kanda twendeke biñanda bya bakwetu?