Kuma Mwasa Kulambula Simbu nambe Nzili Imuli Nayo Ndi?

Ngwe mwapolofwetelele Isaya, tuli na kulimwena muuli na kukolela mutamba wa hano hasi wa munga ya Yehova. (Isa 54:2) Ngeci, kutondeka Binjubo bya Bumwene, Binjubo bya Biwano Byakama, na mitungo ya minango yaiha. Munima ya kutunga eyi mitungo, kutondeka lalo kuinyunga mwamubwa na kuitungulula mu kwita kwa simbu. Twasa kupangesa bati simbu na nzili yetu mu kukwasa mu bipangi ebi?

• Twasa kulikwatasana na cibunga cetu mu kujelesa Njubo ya Bumwene

• Twasa kulomba kutulongesa mwakunyungila Njubo ya Bumwene

• Twasa kushulisilila fomu ya kukwasa mu cipangi ca kutunga [Kupo ya Buitateli kwa Misebezi ya LDC (DC-50)] mangana tukwase mu cipangi ca kutunga mitungo ya Bumwene ku mutambela kutwakala

• Twasa kushulisililila fomu ya Kukupa Kukena mwa Sebelezo ya Kuitatela (A-19), mangana tukakwase ha Mbetele nambe ha myela ikwabo ya munango utala bipangi bya mu lifuti mutuli ha calumingo cimo nambe kutubakana

KENGENI VIDIO YA BIYONGOLA BYA KUTUNGA MITUNGO IKWABO—KAVIDIO KAKEHI. KUTUNDAHO, SIMUTWIYENI HA BIHULA BINATAKO:

• Nambala ya mavidio atunapangesa kushwa mu 2014 inalibwezelela bati?

• Cipangi muka ca kutunga cibanayongola kukala naco cije cikwasa mu kutuhula mavidio atondeka mu kulemesa Njambi, co cambata simbu ya kupwa hali?

• Bika bibasa kulinga baje bashaka kukwasa omu mu cipangi?

• Mwafwa bika tunapande kushulisilila fomu ya DC-50 na kukwasa mu kutunga mitungo ya Bumwene ije ili kuyehi na kutwakala nga tushaka tukakwase mu kutunga ku Ramapo mu America?

• Bukaleho muka bumwesa ngwabwo Yehova ikeye ali na kutwamenena eci cipangi?

• Twasa kukwasa bati omu mu cipangi nameme kutwasa kuya na kukatunga?