Tumwesa Ngwetu Tuli na Cizemo Nga Kutulikwatasana na Banu Banatundu mu Cikungulukilo

Kutundisa munu mu cikungulukilo kunyungilila cikungulukilo, co lalo kukwasa uje nalingi bubi atenguluke. (1 Ko 5:6, 11) Nga twononoka awa mashiko a Yehova, co tumwesa ngwetu tuli na cizemo. Mwafwa bika twendeka ngoco okuni kutundisa munu mu cikungulukilo kuzibisa babushoko na babusamba kubabala ku bimbunge hamolika na bakulunu baje banatala ije ñanda?

Ca kulibanga, tumwesa ngwetu twazema Yehova, co kutushaka ngwetu lizina lyendi libihye. Co lalo tusingimika mashiko endi a kujela. (1 Pe 1:14-16) Ca mu cibali, tumwesa ngwetu twazema uje natundu mu cikungulukilo. Nameme kutundisa munu mu cikungulukilo kukazibisa kubabala ku mbunge, oloni kukanene bubwa bwakama manene. (Hev 12:5, 6, 11) Nga tutwalelelaho kulikwatasana na munu uje natundu mu cikungulukilo nambe uje necela kulikwatasana na munga ya Yehova, co tuzikinina Yehova kukwasa uje munu. Anukeni ngweni Yehova akanyanyamesa banu bendi mu ngila inapande. (Nje 30:11) Twakulahela ngwetu banu banatundu mu cikungulukilo beluka kuli Ishabo wa ngozi. Oloni ha simbu ino, tutwaleleleniho kwononoka Yehova na kukanyamesa busamba bwetu nendi.—Isa 1:16-18; 55:7.

KENGENI VIDIO YA PWENI BA KULONGWA NA MBUNGE YENI YOSHE, KUTUNDAHO KUMBULULENI BIHULA BINATAKO:

• 

  Bisemi bakalizibi bati nga munabo aseza Yehova?

• 

  Bandolome na bandokazi basa kukwasa bati baje bali na kabushoko kabo uje natundu mu cikungulukilo?

• 

  Ñanda muka ya mu Mbimbiliya ije imwesa ngwayo tunapande kuzema manene Yehova kutubakana babushoko bwetu?

• 

  Twasa kumwesa bati ngwetu twazema manene Yehova kutubakana babushoko bwetu?