Kuma Mushaka Kuya ku Sikola ya Baka-kwambulula bya Bumwene Ndi?

Kuma muli na myaka ili mukati ka 23 kutwala 65, co lalo mu bapainiya ba simbu yoshe ndi? Kuma mwalikangula mwamubwa ku mubila, co lalo mwasa kukapangela kuje kuli bujene ndi? Nga munakumbulula ngweni eyo ku bihula ebi, kuma mwayongola bya kuya ku Sikola ya Baka-kwambulula bya Bumwene ndi? Kushwa hayashangumukilile eyi sikola, banu babangi banaikobela, ipwe baka-kulyambata nambe bandolome na bandokazi babazike. Oloni tutonda manene bandolome babazike. Lombeni Yehova amyane lishungu lya kushaka kumuzibisa kubwaha na kutembwinina munendi. (Mya 40:8; Mat 20:28; Hev 10:7) Singanyekeseseni mangana mumone indi kuli byuma byasa kumyonowesa kuya ku sikola ipwe naanga nambe cipangi nambe mukuli. Co tengululeniko mangana mwase kuya oku ku sikola.

Bingila muka bikashokoloka kuli baje banakobela eyi sikola? Bamo bakabatumu kukapangela ku mitambela kuje kubali na kwendeka ndaka yeka nambe kukambulwila ku mbunga ha tutambo. Bakwabo bakemanenako tunyungi ba kuzenguluka, bamoco bakapu tunyungi ba kuzenguluka nambe bamishinali. Omwo musinganyekesesa ha byuma bimwasa kulinga mu munga ya Yehova, tumilomba mukale na mbunge yakele nayo kapolofweto Isaya uje wendekele ngwendi: “Yange unoye! Njitumeni.”—Isa 6:8.

KENGENI VIDIO YA BAMISHINALI BALI NA KULINGA CIPANGI CA KUTEJA, KUTUNDAHO KUMBULULENI BIHULA BINATAKO:

• 

  Bamishinali bakabangula bati?

• 

  Bipangi muka byabibwa bibali na kupanga bamishinali?

• 

  Bibezikiso muka bimo bije bikatundu mu cipangi ca bumishinali?