Muli na Kulibwahesela Canukiso Ndi?

Paseka yalingile Yesu lwa mamaneselelo yapwile ya kulitila. Omwo kutsa kwendi kwakele muyehi, Yesu wayongwele kulinga cilika ca Paseka na tupositolo bendi na kushangumuka cilika ca Kulya kwa Mwene kwa Mangwezi cije cikalingiwa lumo ha mwaka. Ngeci, watumine Petulu na Yowano bakabwahese mulili mwakulingila eci cilika. (Luk 22:7-13; taleni cikupulo cili ha liputa lya helu.) Byalingile Yesu bimwesa ngwabyo netu tunapande kulibwahesela Canukiso cije cikalako ha 27 March. Bakulunu banabwahesa laja bya muka-kwendeka ñanda, bifwisa, na bikwabo. Yetuco bika bitwasa kulinga mangana tulibwahesele Canukiso?

Singanyekeseseni ha byuma byanamilingila Yesu. Tandeni na kusinganyekesesa ha bisoneka bya Canukiso. Mwasa kupangesa cinoneko cili mu kalibulu ka Kwilula Bisoneka ha Litangwa na Litangwa. Co lalo mwasa kupangesa cinoneko cili mu Mbimbiliya ya Bibele ya Toloko ya Lifasi Lelinca cije cili ha biñanda bikwabo bya kushongo ha B12. (Taleni lalo Mukanda wa Biwano bya Buyoye na Cipangi Cetu wa April 2020.) Ha simbu ya kulemesa kwa naanga, twasa kuwana biñanda bikwabo bimwesa seho ya ndando ya kupatula mu libulu lya Watch Tower Publications Index na mu Buka ya Lipatisiso ya Lipaki za Jehova.

Lanyeniko bakweni. Lingeni mwoshe mumwasela kulanya banu ku Canukiso. Mwasa kulanya baje bamwambulwilile kunima, bamwakele na kulilongesa nabo Mbimbiliya, babusamba beni hamo lika na babushoko bweni. Bakulunu banapande kulanya baje banelukila munima. Nga munu imunalanya kakele mu citingitingi ceni, mwasa kuwana simbu na mwela kucikela Canukiso okwo kwali. Yeni ha webusaiti ya jw.org na kunyateka ha ABOUT US ha liputa lya kulibanga. Kutundaho, nyatekeni ha “Memorial.”

Bika bikwabo bitwasa kulinga mangana tulibwahesele Canukiso?