YOYESI YA BAKA-KILISTU
Tunapande Kumona Banakazi Bakukola Ngwe Banana na Bambanda Ngwe Bandokazi Betu
Mbimbiliya ngwayo tunapande kumona baka-Kilistu baje banakolo ngwe bisemi betu, co bambanda na bakwenje kupwa ngwe bayayetu na bishongo betu. (Tandeni 1 Timateo 5:1, 2.) Bandolome banapande ku singimika bandokazi mu cikungulukilo.
Bandolome kubapandele kulinga lyepe na bandokazi mu ngila ibalingisa bakale na mashungu eka. (Yom 31:1) Ndolome wa muzike kapandele kusimutwiya na ndokazi wa muzike mu ngila ije imulingisa asinganyeke ngwendi ashaka kumutonda nga kesi na biyongola bya kulinga ngoco.
Bakulunu banapande kwaka mbunge ku bihula bibabehula bandokazi mu kasingimiko nambe nga babalekako byuma bije bitondeka bukwasi bwa bakulunu. Bakulunu banapande kwaka mbunge maneneni bifwile baje kubesi nou abamena.—Lut 2:8, 9.
KENGENI VIDIO YA TWALELELENIHO KUMWESA CIZEMO MU CIKUNGULUKILO—KU BIFWILE NA BISIWA. KUTUNDAHO, KUMBULULENI BIHULA BINATAKO:
Cikungulukilo cinamwesele bati cizemo kuli Ndokazi Myint?
Cizemo cibanamwesele bandolome na bandokazi kuli Ndokazi Myint cinanene bati bukaleho mwimbo mwakala?
Cizemo cibanamwesele bandolome na bandokazi cinakwasele bati bana ba Ndokazi Myint?
Mu bingila muka mumwasa kumwesela ngweni munaka mbunge bandokazi mu cikungulukilo ceni?