Pangeseni Libulu lya Likuweni Kuyoya Myaka Yoshe! mu Lihya

Twabezika manene kukala na broshuwa yaiha na libulu lyaliha lya kupangesa mu kutwamenena bilongesa bya Mbimbiliya. Tulomba ngwetu Yehova atubezikise omwo tulifwita kupwisa banu babangi bandongesi (Mat 28:18-20; 1 Ko 3:6-9) Twasa kupangesa bati ebi bikwata byabiha?

Libulu na broshuwa ya Likuweni Kuyoya Myaka Yoshe! kulilongesa Mbimbiliya kumikwasa, linalisezeko na mabulu atunakala na kupangesa mu kulongesa banu Mbimbiliya kunima. Ngeci, tumilomba ngwetu mukabangeye bino bingila omwo mulibwahesela kutwamenena bilongesa bya Mbimbiliya.a

• Tandeni biñanda bili mwisi ya kamutwe na kamutwe na kusimutwiya ha bihula

• Tandeni bisoneka bibanamwesa ngwabo “tandeni,” co kwaseni imukalilongesa nendi amone mwakubipangesela mu buyoye bwendi

• Mweseni mavidio na kusimutwiyaho, kupangesa bihula bibanamwesa

• Nga citaba, maneseni cilongesa coshe ha simbu imulilongesa

Nga muli mu lihya, shangumukeni tahi kwana munu broshuwa mangana mumone indi ashaka kulilongesa. (Taleni cipalo ca “Mwakwanena broshuwa na Libulu lya Likuweni Kuyoya Myaka Yoshe! ha Bungenzi bwa Kulibanga.”) Nga mwamanesa kulilongesa na munu mu broshuwa, co lalo mwananguka ngweni ashaka kutwalelelaho kulilongesa, co mwaneni libulu na kushangumuka kulilongesa nendi ha cilongesa 04. Nga muli na kulilongesa na munu mu mabulu atunakala na kulilongesa na banu kunima, co nungulukileni mu libulu lya Likuweni Kuyoya Myaka Yoshe! na kwangula cilongesa ha munapande kushangumukila.

KENGENI VIDIO YA TWAMITAMBULA KU CILONGESA CENI CA MBIMBILIYA. KUTUNDAHO, KUMBULULENI BIHULA BINATAKO:

• Batukalilongesa nabo Mbimbiliya, balilongesa bika omu mu libulu lyaliha?

• Mwafwa bika munapande kumwesa eyi vidio ku munu imushangumuka kulilongesa nendi Mbimbiliya?

• Bilengo muka bimunapande kushongangeya munu imukalilongesa nendi Mbimbiliya alyakelebyo na kubishulisilila?—Taleni cipalo ca “Bitulilongesa na Bilengo bya Mutamba na Mutamba”